اقرب يا شاعر مطير (ابو كف)

[صــنــهــات]

ياصاحبي يا شاعر مطير - اقرب نبا محراف حامي
شاعر وابا امثل جهينه - يااللي تسمى شاعر مطير
===========================
ياصاحبي محرافنا غير - معنى ماهو بايت كلامي
لاتترك الكلمه سجينه - انطق ترا محرافنا غير

[محمد آل ضاوي]

يا خوي صــنــهــات وش أسم اللحن هذا ؟؟؟؟؟

[ابو كف]

أقول يالصاحب عسى خير = صحيت بالصوت النيامي
قلبك مغير أسمع ونينه = لاكن يالصاحب عسى خير

=============================

مالك عن اللازم معاذير= في طلعت البدر التمامي
محرافك الله لا يهينه = تجوز به كل المعاذير

[صــنــهــات]

الخير في وجه المناعير - يا شاعر(ن) جاد النظامي
ما هزت جبال(ن) رزينه - كلمتك يا ولد المناعير
==================================
من وفق راسك حامت الطير - من يوم حولت الكلامي
ما ودي تزيد الضغينه - اذهن لطير(ن) فوقك يطير

[ياسر المشرافي]

صنهات صح لسانك


محرراف طيب



وصح لسان ابو كف




وواااصلوا

[راعي المجاهيم]

صح السسسان الشاعرين

واصلو متابعين

[ابو كف]

ياسر المشرافي لاهنت على المرور والمتابعة
=====================================
راعــــــــــــــــــــي الــمـــــــجـــــــــاهيم مرورك شرف وانا من متابعين محاوراتك
============================================
صنهات
لاهنت وبيض الله جهك وعذراً على الانقطاع الغير مقصود
ولنا لقاء قريباً إن شاء الله

[محمد آل ضاوي]

لكن ماحد رد علي وش اللي لعبو عليه، يعني ويش يسمى ؟