محاوره ممتعه تستحق الواحد يتعب على تنسيقها
ذيب النير
أكرب حزامك ياخيال وأزهمني وأجيك=نعنبوا مـن لامنـي فيـك ياخيالهـا
يرحم الله والدينـي ويرحـم والديـك=قفّـل البيبـان لا تبلشـك جهالـهـا
خيال الاصيله
أنت ذيب النير معروف مايصعب عليك=شي وثقال الحمـول أنـت مـن يشتالهـا
مـن طرفنـا لاتخافـون مايدخـل شـريـك=لوتضيع مـن اليديـن القصـار أعمالهـا
ذيب النير
والله انك ماتبيني وانا مثلك ما أبيك=انت يـاراع الرديـة ويامدهالهـا
العيون تشوف والأذن تسمع مالديك=لا تنزّل قوم ياكود فـي منزالهـا
خيال الاصيله
كل شـيٍ فـي زمانـك لابـد أنـه يجيـك=فـي سنيـن أيامهـا جـات مثـل ليالهـا
أنت ياللي تطلب لله وترفع له يديك!!=أدع لـلأجـواد بالـلـي يحـسـن حالـهـا
ذيب النير
احتزم في سيفك اللي جردته يحتميك=قالها ياصاحبي فالزمن مـن قالهـا
البلا ياصاحبي في زمـانٍ يبتليـك=ميّزو فالسالفة عرضهـا وأطوالهـا
خيال الاصيله
الجلاوي لازبن ياصحيبي يرتجيـك=لاتزيـد الكيـه اللـي سـرى موالـهـا
بينه والفرق واضح بهاذيـه وذيـك=والعرب مايحتو الصدق كل أقوالها
ذيب النير
الخبر كله ياخيال تدري يحتويـك=وأنته المسؤول عن فاطمة وعيالها
وأبك ياخيال كم لي وانا محتار فيك=قلت لك بيبانهـا طقهـا بأقفالهـا
أنت غير مسجل في منتديات القلطه والقصيد . للتسجيل الرجاء إضغط هنـا
رد: خيال الاصيلة تعال عندي
العرض العادي
