المحاورة المميزة : ابو موضي // هجاد الليل

[ياسر المشرافي]

ابو موضي

مرحبا فالشاعر الي يحتري ختم الشهاده=مابقى الا ينتظم وتكمّل ايامه عددها
مير ليته ما يصلي غير في دار العباده=ما يصلي فالبيوت الي تمايل من عمدها
هجاد الليل

البقا يالي ترحـــــــــــب والافاده بالافاده=والشهاده حظ راعيها وحــظ اللــــــي وجدها
هات علمك ياعميلي وبشر بعلمن زياده=والعرب مقدورها معروف من قدرت جهدها
ابو موضي

التهامي ياهجاد الليل مقفي من هجاده=يوم شاف المزنه الي وبلها يسبق رعدها
من زرعله شوك مايقطف زهر ناتج حصاده=والشهاده زور يارجال ويل الي شهدها
هجاد الليل

والله انا مانحب اهل اللقافه والقــــــراده= بس بعض الناس تال الوقت مدري وش قردها
ويش كبر الحجه اللي كنها عين الجراده = مير حضر ياعميل الخير للي من بعدهــــــــــــا
ابو موضي

لو نشدنا الزيدي الماجور عن شربه وزاده=مالقينا غير قات ولقمته أأمرّ وادها
من يلوم العسكري يوم يرحْله أل بلاده=والعلوم الي تقال حبال تفتل من مسدها
هجاد الليل

من طواه الحر ماهو مثل من برد براده=كم من رجلــن زواه الحر وهمومه رجدها
ياعميلي لاتضيع يمتك قبل الاشــــــــاده=والحرار ليا تعلت ماتضيع في هــــــــددها
ابو موضي

كان فاتت يبيض الشارب فـ أنا ما اقول عاده=عانها قدمك تروج وحظ عين الي صهدها
سلعة التاجر لها في سوقنا سبق الرياده=كل ماتعرض على الدلال يقول ارجوك زدها
هجاد اللليل

ناكبينك نكب ونته منسدح فوق الوســـاده=يوم ذب الجيب جال العرق وهوا في جلدها
روح فتش فالصحيفه والمسلح من زناده= ثم دقق بالحبال وقوم فتش في عــــــــقدها
ابو موضي

هامله والهامله هي سلعة ضعيف الاراده=وميسمي عانه على الوركين وعانه في اخدّدها
الفقارا عايشه ياخوك في عيشة زهاده=لو تبا تنتج تموت عيالها وهي بمهدها
هجاد الليل

انتكس حظه وحول من شداده في شـــــداده= والحقيقه ماتروح ولاتفيد اللي جــــــــحدها
وميسمك في غاربك وسمه وبين في جواده= جرصوتك جر والحجه على القاضين قدها
ابو موضي

ماضريت ألخوة اصحاب المعالي والسعاده=يالقعود الي ليا عاين له اشجرةٍن هبدها
لكن الي جايعٍ عيّن من خروجك مراده=ولا شبع فالخنجر المسموم عرقينك فصدها
هجاد الليل

روحت مثل الحرار وحولت مثل الاباده= لاتحجج روح نضار وش مطرها من بردها
يحسبنه فـاهمن يومه يوضـــح بنتقاده=روح لول شطر وقره والحرار اقبل هددهـــا
ابو موضي

ليت ابوه بليلته ياربعنا كمّل رقاده=عزتيله من بليدٍن شربها سم ابشهدها
كم شربت ولا ارتويت ولا بها فنجال ساده=ولا نت فاهم وش جرا الا في عشا الليله وغدها
هجاد الليل

وش علاج الخبل لامنه تحنكل في عناده= الله انه يرزق امه وتعوض في ولدها
من سواته مايعالج لو نوديه العيــــاده= كسر بيوت القصيد ولاتبنيها عـــــمدها
ابو موضي

ناظرك ما اكثر بياضه كاسيّن باقي سواده=والبلا ان العين لو تقرا تعاني من رمدها
كل ما نعطيه فالمكيال يبغا الاستزاده=ولو تمرّه سارحه مناك قال ارجوك عدها
هجاد الليل

دام ماتقدر تميز فالنواقص وزيــــــاده= استرح لاتتعب الرجلين وتضيع جهدها
والحبال لياتعقد ونحكم عــــــقد انعقاده=من سواتك يسترح النار لاعاد يعمدها
ابو موضي

روّحت ترئص على الرقلين رئصه ياحماده !=ماش عندك ساهر الي لا اسرعت قام ورصدها
انته اصلي لاكن اصلي من وكالات البلاده=ياعقيم الفكر من شافك نعمَ ربي حمدها