عماد بن خماش
08-23-2010, 12:46 AM
أبو موضي :
من هجوسٍ ماتجيب الا الثمين الغالي=مرحبا في حلةٍ رب البشر قابلها
الذهب معروف مايعرض على دلالي=ومن جهل سعره يروح البورصه يسئلها
عماد بن خماش :
من هجوس(ن) ترتقب يم السحاب العالي=البقا يالشاعر الي حيلته مأجهلها
الذهب بأصابعك وأنت المدير المالي=هات علمك والبشر يآخوك لا تخذلها
أبو موضي :
ياعميل الخير حكمة عاقل وجهّالي=الله الي ممهلٍ خلقه ولا همّلها
من تبّدا فالخطا يستاقله معدالي=عقبها القاضي ليا جاته يبا يعدلّها
عماد بن خماش :
يا عسا فالك بخير و عافيه من فالي=والمزوحه ما تكدّر خافية قايلها
أثر أبو موضي درى إن المر غير الحالي=لقمته جاته وعيّا بالرضا يآكلها
أبو موضي :
صاحبي ياصاحبي وافهم على موّالي=كل كلمه جات حمّلها على محملها
شرهة اهل القافلة ماعدّت الجمّالي=كل ماعدّل تواليها يميل أولها
عماد بن خماش :
أنت سيفك مرتخي يالفارس الخيّالي=والسيوف تشوم من يمناك لو تحملها
ما يفيدك لو تعدّل بأوله والتالي=إنعمت عين العدو يومه بدا يكحلها
أبو موضي :
من جهل فأمور نفسه جاهلٍ فحوالي=والشهاده منه مابه قاضيٍ يقبلها
شيعة البحرين ماصلا بها الا الفالي=هو عور خلقه وسالم عينه يحوّلها
عماد بن خماش :
ما جهلنا يا صحيب(ن) جاهل(ن) بأقوالي=والعقول الجاهله ليت الدهر عقّلها
قالوا البترول واجد فالوسيع الخالي=قلت لك نصف العباره وأنت لي كمّلها
أبو موضي :
الخلا الخالي نعرْفه ياهل المخيالي=تركبون بغال وكلٍ قال راعي بلها
راعي الدتسن تكرفس من ورا الدركالي=وعند نفسه مشغل قلوب العرب شاغلها
عماد بن خماش :
ذمّكم ماناشني في غترتي وعقالي=النجوم إتذمّها يوم أنت ما تآصلها
لا تضيق إليا خذلتك بين عم و خالي=كم شويعر لابته بالعلم ما جمّلها
أبو موضي :
وبك انا شمسٍ ليا مني بديت ألحالي=غابت نجومٍ ن يدوب نشوفها بمنزلها
انت لوغنيت يالاله ولال ولالي=منت كفو العامريه لو تبا تغازلها
عماد بن خماش :
شمسكم جاها كسوف ونورها قد زالي=يا صحيبي كلمتك مأحد(ن) لكم سجّلها
دار ذيك العامريه صرت فيها والي=لين ما شيخ العرب في صالحي حللها
أبو موضي :
جاك ابوزيد الهلالي وانت منت هلالي=والبنيّه من عقب جينا تروم أهلها
كل ماحليت في دارٍن عِرَف منزالي=وروس اهلها غصب في راس القنا احوّلها
عماد بن خماش :
موترك يآخوك ما يقوى سباق الرالي=كم تعبت أضحك مع العربان وآجاملها
ليت هاتف صاحبي ما رن في جوالي=واليدين السارقه حكم الدهر كبّلها
من هجوسٍ ماتجيب الا الثمين الغالي=مرحبا في حلةٍ رب البشر قابلها
الذهب معروف مايعرض على دلالي=ومن جهل سعره يروح البورصه يسئلها
عماد بن خماش :
من هجوس(ن) ترتقب يم السحاب العالي=البقا يالشاعر الي حيلته مأجهلها
الذهب بأصابعك وأنت المدير المالي=هات علمك والبشر يآخوك لا تخذلها
أبو موضي :
ياعميل الخير حكمة عاقل وجهّالي=الله الي ممهلٍ خلقه ولا همّلها
من تبّدا فالخطا يستاقله معدالي=عقبها القاضي ليا جاته يبا يعدلّها
عماد بن خماش :
يا عسا فالك بخير و عافيه من فالي=والمزوحه ما تكدّر خافية قايلها
أثر أبو موضي درى إن المر غير الحالي=لقمته جاته وعيّا بالرضا يآكلها
أبو موضي :
صاحبي ياصاحبي وافهم على موّالي=كل كلمه جات حمّلها على محملها
شرهة اهل القافلة ماعدّت الجمّالي=كل ماعدّل تواليها يميل أولها
عماد بن خماش :
أنت سيفك مرتخي يالفارس الخيّالي=والسيوف تشوم من يمناك لو تحملها
ما يفيدك لو تعدّل بأوله والتالي=إنعمت عين العدو يومه بدا يكحلها
أبو موضي :
من جهل فأمور نفسه جاهلٍ فحوالي=والشهاده منه مابه قاضيٍ يقبلها
شيعة البحرين ماصلا بها الا الفالي=هو عور خلقه وسالم عينه يحوّلها
عماد بن خماش :
ما جهلنا يا صحيب(ن) جاهل(ن) بأقوالي=والعقول الجاهله ليت الدهر عقّلها
قالوا البترول واجد فالوسيع الخالي=قلت لك نصف العباره وأنت لي كمّلها
أبو موضي :
الخلا الخالي نعرْفه ياهل المخيالي=تركبون بغال وكلٍ قال راعي بلها
راعي الدتسن تكرفس من ورا الدركالي=وعند نفسه مشغل قلوب العرب شاغلها
عماد بن خماش :
ذمّكم ماناشني في غترتي وعقالي=النجوم إتذمّها يوم أنت ما تآصلها
لا تضيق إليا خذلتك بين عم و خالي=كم شويعر لابته بالعلم ما جمّلها
أبو موضي :
وبك انا شمسٍ ليا مني بديت ألحالي=غابت نجومٍ ن يدوب نشوفها بمنزلها
انت لوغنيت يالاله ولال ولالي=منت كفو العامريه لو تبا تغازلها
عماد بن خماش :
شمسكم جاها كسوف ونورها قد زالي=يا صحيبي كلمتك مأحد(ن) لكم سجّلها
دار ذيك العامريه صرت فيها والي=لين ما شيخ العرب في صالحي حللها
أبو موضي :
جاك ابوزيد الهلالي وانت منت هلالي=والبنيّه من عقب جينا تروم أهلها
كل ماحليت في دارٍن عِرَف منزالي=وروس اهلها غصب في راس القنا احوّلها
عماد بن خماش :
موترك يآخوك ما يقوى سباق الرالي=كم تعبت أضحك مع العربان وآجاملها
ليت هاتف صاحبي ما رن في جوالي=واليدين السارقه حكم الدهر كبّلها