عطيب المضاريب
07-05-2010, 09:52 AM
مانيب من يشكي همومه على النَاس = انا الذي حمله : نصاه وركاله
اصارع الضيقة على حبس الانفاس = في جاشي اللي محتمل ماجراله
و اساير الدنيا على كل مرواس = وامشي على منهج // وصبري رسالة
والموت كل الموت في موت الاحساس = لا مات حس الرجل ياوش بقاله ؟!!
ما عاد يشعر لو تجرَح بالامواس = يحسب على ربعه نقيصة وعالة
والريشة اللي حبرها فوق قرطاس = اما تخط الهزل وَلا الجزالة
اهموم وجروح وهواجيس وعماس !! = إلها هنا : ( داخل كيانه وكالة )
لكنَ دام الوضع مافيه وسواس = يجبر رفيق الهمَ يكره ظلاله
مهما عبس في وجهه الوقت لاباس = حيثه صبور .. وحمل الايام شاله
والعبد مهما صكه الوقت بالفاس = وزَود عليه الحرَ .. واحرق مجاله
دامه تقيَ(ن) والكرامة لها ساس = ويمناه تبذل دون تعلم شماله
لاشك بعد الحرَ ياتيه نسناس = ينسيه حرَ الصيف .. خير وعدالة !!
قلته ولا ني صوب نايف وعبَاس !! = خصيَت : من يغلب حرامه حلاله
الجاهل المغرور مقروع الاجراس= اللي تشوف المهزلة من خلاله !!
فضيخ قلب .. وصنَف النَاس لاجناس = والمنطلق : طيب الفتى من رياله !!
الفرق فرق الَدين يا شارب الكاس !!= يا للي تصنَف كل واحد بماله
ماهوب منطق لو غدا المال مقياس = يمكن تذوب الملعقة فالبيالة
وَلا تشوف القدر من دون ملاَس = ويبقى العشا فالقدر محد(ن) فضاله !!
ويصير ذيل اشعيل عالي على الراس = ويرم الحمل .. لو كان قبل ارتكاله !!
ويطلع لنا فالوقت سالم وجسَاس = رموز ترمز للسلام ومثاله
ولازم تطيح الطايرة يابن فرناس = اما جنوب الدار // ولا شماله
يا جيفة الجَلاس في كل مجلاس= يا نكبة السامع ومنهو حكاله
البعد عن مثلك غنيمة ونوماس = منت ابكفو لاهل الوفا والشكالة
هذا الكلام ودوك حنظل وبسباس = مرَ وحلا : مابين حالة وحالة !!
حافظ مقامي والمقامات فالنَاس = من منطلق : ( طيب الفتى راس ماله )
ومهما حصل صابر على حبس الانفاس = والجرَح ابلقى في زماني دواله
عطيب المضاريب
اصارع الضيقة على حبس الانفاس = في جاشي اللي محتمل ماجراله
و اساير الدنيا على كل مرواس = وامشي على منهج // وصبري رسالة
والموت كل الموت في موت الاحساس = لا مات حس الرجل ياوش بقاله ؟!!
ما عاد يشعر لو تجرَح بالامواس = يحسب على ربعه نقيصة وعالة
والريشة اللي حبرها فوق قرطاس = اما تخط الهزل وَلا الجزالة
اهموم وجروح وهواجيس وعماس !! = إلها هنا : ( داخل كيانه وكالة )
لكنَ دام الوضع مافيه وسواس = يجبر رفيق الهمَ يكره ظلاله
مهما عبس في وجهه الوقت لاباس = حيثه صبور .. وحمل الايام شاله
والعبد مهما صكه الوقت بالفاس = وزَود عليه الحرَ .. واحرق مجاله
دامه تقيَ(ن) والكرامة لها ساس = ويمناه تبذل دون تعلم شماله
لاشك بعد الحرَ ياتيه نسناس = ينسيه حرَ الصيف .. خير وعدالة !!
قلته ولا ني صوب نايف وعبَاس !! = خصيَت : من يغلب حرامه حلاله
الجاهل المغرور مقروع الاجراس= اللي تشوف المهزلة من خلاله !!
فضيخ قلب .. وصنَف النَاس لاجناس = والمنطلق : طيب الفتى من رياله !!
الفرق فرق الَدين يا شارب الكاس !!= يا للي تصنَف كل واحد بماله
ماهوب منطق لو غدا المال مقياس = يمكن تذوب الملعقة فالبيالة
وَلا تشوف القدر من دون ملاَس = ويبقى العشا فالقدر محد(ن) فضاله !!
ويصير ذيل اشعيل عالي على الراس = ويرم الحمل .. لو كان قبل ارتكاله !!
ويطلع لنا فالوقت سالم وجسَاس = رموز ترمز للسلام ومثاله
ولازم تطيح الطايرة يابن فرناس = اما جنوب الدار // ولا شماله
يا جيفة الجَلاس في كل مجلاس= يا نكبة السامع ومنهو حكاله
البعد عن مثلك غنيمة ونوماس = منت ابكفو لاهل الوفا والشكالة
هذا الكلام ودوك حنظل وبسباس = مرَ وحلا : مابين حالة وحالة !!
حافظ مقامي والمقامات فالنَاس = من منطلق : ( طيب الفتى راس ماله )
ومهما حصل صابر على حبس الانفاس = والجرَح ابلقى في زماني دواله
عطيب المضاريب