اقرب اقرب يا علي دام جالك مجالي= واستلم واستسلم لقافنا يا علي

[مشعل الشهراني]

صباح/ مساء الخير
الاخ علي هذه قارعه بسيطه وكل مالدي هو التعارف والتواصل بالطيبين شرواك
البدع/
قبل ما نبدا القصايد ونعلن علان=
يا سلامي والمعاني جداد وسمان=
اقرب اقرب يا علي دام جالك مجالي=
واستلم واستسلم لقافنا ياعلي

[طلال البدور]

ارررررررررحب يامشعل شرفتنا وودي اشقر معك ومعا علي لوسمحت
الشقر

البرد من بعد حول على الضلع لان=والصقور الجارحه غير طير السمان
مادام انك محتسي واجزل العلم جالي=فالنوايف طبعٍ لكل رجلٍ علي

[علي الشهراني]

ارحبو جميعا يا بني عمي


مشعل و طلال صحت السنتكم


و ما يحتاااج كفيتو و وفيتو


و الله يحييكم في محلكم


واصلوووو الابداااع لا عدمتكم

[علي الشهراني]

حياك الله يا مشعل
و حياك الله يا طلال
و الله يعين و يجمل

البدع
مرحبا يا مسهلا و الضمان الضمان=قبل لا نثني على الخيل راس العنان
كان جات الاوله قلت لك راس مالي=و كان جات التاليه قلت ماهيب لي

الرد
ودي اصرف للعرب كلبوهم ضمان=غير اخاف العلم يوصل لكوفي عنان
وان تريد الصدق والحق مالك و مالي=مثل مال المنقره في ربوعه بلي

[عماد بن خماش]

الله الله

ابدااااااع منقطع النظير

وتجمعوا الشهارنه الله يزيدهم ويخارجنا منهم :nosweat:

بدع ورد عمالقه

الفن خطّهم

والحكمه شرطهم

بارك الله فيكم جميعاً وتسجيل اعجاب وحضور

متابع للنهايـــهـ

[صقر غامد]

الله يعطيكم العافيه


وااااااصلوووو

متابعين

[علي الشهراني]

عماد بن خماش و صقر غامد


حياكم الله جميعا

[مشعل الشهراني]

حيا الله كل من شرفنا بمروره وشارك معنا
والشكر موصول لاخوي طلال ودام رد ذيبان بدع وشقر فالله لايهينك باكفيك ولاهنت

البدع/
البقا بكـ وانت للعاليه عينوان
وانا ما سلّيت لك نافعيّ وسنان
كلّبوها قاف لاتقول شئٍّ وحالي
كيف ينشب يا عليّ الصّلي في صلي

الشقر/
ياعيون الصقر ما تشبهكـ عين وان
الفروق الساميه غير فرق السنان
والسنين تمرّ ما بين مرٍّ وحالي
والسيوف فروق يا سيفنا الفيصلي

[علي الشهراني]

البدع
انت يا مشعل عليك الصبر دان دان=لا تبيع الشاص الاول على شان فان
دام راسك فالسما بين عمٍ و خالي=خل اهل جيزان تربع و ترعى ( حلي )

الشقر
الكفو يبقى كفو و الدني دان دان=اعلم ان الوقت لو طال يا خوك فان
العدود اثنين .. عدٍ من الفود خالي=و عدّ فيه الما قراحٍ و لا له حلي

[مشعل الشهراني]

البدع/

ما دام اني وانت من قيف داعي اشهران
فالمعاني كلّها بـــــــــــيننا نيفــــلان
لاجل ما تشمت علينا شموت الرجالي
ابدلي بالوافيه لابديت ابدلي

الشقر/

أشهر الموضوع بين الرجال اشهران
خلّ من ذا قال ياهيه بانّي فلان
لاجل عينك ناهب الحلو والمرّ جالي
قدركم عالي ولا حلّ فيه ابدلي

[بن مرعي]

يا علي شهادتي فيك مجروووحه يعني ما يحتاج

انت شاعر وحكيم



مشعل بصراحه انا اقرا كل بيت واستمتع به على اساس انه قصيده لحالها


اعجبتني طريقة سردك للمعنى في الطاروق الاخير




ارجوا ان تواصلوا ماقدمتوهـ


وان تتقبلوا مروووري وتحياااتي...

[علي الشهراني]

البدع
لا تحج البيت قدّام شهر ارمضان=تصبح و تمسي على شده و ليزمان
سوق بو عرام يصرف جنيه و ريالي=و انت مدري تذبح التيس و الّا الطلي

الشقر
لجل عين الشيخ جبنا رجَب و ارمضان=و الّا فانّي تارك القارعه لي زمان
كلها من شان خلٍ بدا بالريا لي=شغلته فاليوم و الليل يطلي طلي

[علي الشهراني]

حياك الله يا ابن مرعي


و الله يشرف مقدارك


و البركه في اخي مشعل

[مشعل الشهراني]

الله يحييك يا ابن مرعي
وعلي ما قصر بردوده الطيبه بيض الله وجهه ولكن لطول الوقت في هذه القارعه يا اخي علي استلم اخر بدعه والى لقا في وقفه اخرى

البدع/
ياعلي مادام عند العراق انهران
فانت لك منهج وانا لي منهاج بان
دابكم ياصاحبي لوتلوى وحبالي
بشروه بنار زندي وباختام لي

الشقر/

لالقيتوا من خذا الذود له فانهران
رمحنا وسيوفنا خاف منها جبان
الحروب اللي توالت وعقد الحبالي
الله يحسن خاتمتكم من اختام لي

[علي الشهراني]

البدع

بيض الله وجه مشعل لسان و بيان=اشهد انّه حزة العلم فارس حصان
القمر يبدي بنوره و يرجع هلالي=ذي نصيحة خوك يا الله عسى تقبلي

الشقر
في ختام السالفه هاك و اسمع بيان=من يصون العين و الفمّ للروح صان
النصر يبقى نصر و الهلالي هلالي=الحظوظ الطيّبه يا عسى تقبلي

[علي الشهراني]

اخوي مشعل

صح لسااانك و مشكوووور

و لا ننسى راعي الاوله ابو كعدان

مشكووورين جميعا

و الى لقاء قادم ان شاء الله

دمتم في رعاية الله و حفظه