علي الشهراني
12-03-2009, 04:36 PM
بسم الله الرحمن الرحيم
هذي قصيده القيتها في حفل تنصيب الشيخ ناصر بن سعيد ابن العلا الشهراني
بسم العظيم الحـق نبـدا المكاتيب=بدايـةٍ يخضـع لهـا كـل كـتّـاب
الله واكبر تشرق الشمـس وتغيـب=ونجم الوفا والطيب فالناس ما غـاب
سـلام يـا حـرٍ تعلّـى المراقيـب=مجمّلٍ ربعـه علـى كـل مرقـاب
شيخ الوفا والجود والعـز والطيـب=من طيب حظه طاب واللي معه طاب
شيخٍ على شيخٍ عطيب المضاريـب=في حزةٍ يعـْرف بهـا كـل ضـرّاب
ابن العلا ناصـر رفيـع المناصيـب=سعْد الذي من غارة الوقت منصـاب
له منسبٍ معروف بيـن المناسيـب=اليا حصل فخر وتفاخـر بالانسـاب
الجد زامـل يـوم طـرد العياسيـب=يارد على الموت الحَمَر ورْد عسّاب
ابو سعيـد اللـي نهـار المناشيـب=له سطوةٍ تسطي على كـل نشّـاب
مهيّب الشجعـان ومجـريّ الهيـب=واليا ورد من طنخة الراس ما هـاب
معلـم الجهّـال كسـب المواجيـب=للشـر قـراعٍ وللخـيـر وجّــاب
شـارة وفـا لقريّبـه والاجانـيـب=ذخر لبني عمـه ومنصـا للاجنـاب
اليا لفـاه الضيـف ثنّـا التراحيـب=والكفو ذي عادَتْه للضيـف رحّـاب
له مجلسٍ عامر بعكـف الاشانيـب=عز اللحا والروس من قبل الاشناب
وله مدةٍ يشبع بها الصقـر والذيـب=ورمحه تشابه زرقته زرقـة ذيـاب
يا شيخنا في يوم ربـط المعاصيـب=ويا عزنا نهـار هـوشٍ وعصّـاب
المدح فـي مثلـك نعـدّه مكاسيـب=اللـي لفيـد المرجلـة دوم كسّـاب
نقيت لك هرجـي ورتبـت ترتيـب=من خوف بعض الناس بالهرج يرتاب
اقولها والمرجلـه دربهـا صعيـب=وصعبٍ يصيد المرجلـة كـل لعّـاب
الحـق قلتـه دون شـكٍ ولا ريـب=والعـز بالله قلـت مانيـب مرتـاب
اقبل سلام صغت صدره علـى آيـب =والعجز بعد الصدر صغته علـى آب
وختامها صلوا عدد حاضـر وغيـب=على محمد سيـد حاضـر وغيّـاب
و سلامتكم جميع
هذي قصيده القيتها في حفل تنصيب الشيخ ناصر بن سعيد ابن العلا الشهراني
بسم العظيم الحـق نبـدا المكاتيب=بدايـةٍ يخضـع لهـا كـل كـتّـاب
الله واكبر تشرق الشمـس وتغيـب=ونجم الوفا والطيب فالناس ما غـاب
سـلام يـا حـرٍ تعلّـى المراقيـب=مجمّلٍ ربعـه علـى كـل مرقـاب
شيخ الوفا والجود والعـز والطيـب=من طيب حظه طاب واللي معه طاب
شيخٍ على شيخٍ عطيب المضاريـب=في حزةٍ يعـْرف بهـا كـل ضـرّاب
ابن العلا ناصـر رفيـع المناصيـب=سعْد الذي من غارة الوقت منصـاب
له منسبٍ معروف بيـن المناسيـب=اليا حصل فخر وتفاخـر بالانسـاب
الجد زامـل يـوم طـرد العياسيـب=يارد على الموت الحَمَر ورْد عسّاب
ابو سعيـد اللـي نهـار المناشيـب=له سطوةٍ تسطي على كـل نشّـاب
مهيّب الشجعـان ومجـريّ الهيـب=واليا ورد من طنخة الراس ما هـاب
معلـم الجهّـال كسـب المواجيـب=للشـر قـراعٍ وللخـيـر وجّــاب
شـارة وفـا لقريّبـه والاجانـيـب=ذخر لبني عمـه ومنصـا للاجنـاب
اليا لفـاه الضيـف ثنّـا التراحيـب=والكفو ذي عادَتْه للضيـف رحّـاب
له مجلسٍ عامر بعكـف الاشانيـب=عز اللحا والروس من قبل الاشناب
وله مدةٍ يشبع بها الصقـر والذيـب=ورمحه تشابه زرقته زرقـة ذيـاب
يا شيخنا في يوم ربـط المعاصيـب=ويا عزنا نهـار هـوشٍ وعصّـاب
المدح فـي مثلـك نعـدّه مكاسيـب=اللـي لفيـد المرجلـة دوم كسّـاب
نقيت لك هرجـي ورتبـت ترتيـب=من خوف بعض الناس بالهرج يرتاب
اقولها والمرجلـه دربهـا صعيـب=وصعبٍ يصيد المرجلـة كـل لعّـاب
الحـق قلتـه دون شـكٍ ولا ريـب=والعـز بالله قلـت مانيـب مرتـاب
اقبل سلام صغت صدره علـى آيـب =والعجز بعد الصدر صغته علـى آب
وختامها صلوا عدد حاضـر وغيـب=على محمد سيـد حاضـر وغيّـاب
و سلامتكم جميع