المساعد الشخصي الرقمي

مشاهدة النسخة كاملة : يا علي دعيتنا وجينا

يوسف العتيبي2
11-24-2009, 02:28 PM
البدع



يا علي عاد عيدك عاد عيد الجماعة=عاد عيد الجماعة كلكم عايدين
نعمتن من ولي العرش جمع القرايب=والتعارف تكاتف والتكاتف معزة
مار بعض العرب يحسبه لبس الجدايد=هو صحيح التجدد مار مو غايته

الرد



الكلام امعسول وتو زان استماعه=كلكم فايدين وكلنا فايدين
الأمن مستقر اوفات وقت الحرايب=الله إنه يديم الأمن واللي معزه
القبايل قبايل والبدايد بدايد=كلهم تحت حكم الشرع في رايته
صقر غامد
11-24-2009, 02:39 PM
حيالله اخونا يوسف

مرحبا مليون

الله يحييك

وانتبه للشقر وانا خوك

القارعه فيه حروف زائده

وعلي ما بيقصر

الله يعطيكم العافيه
علي الشهراني
11-24-2009, 02:42 PM
ارحب ملايين يا يووسف

وهذا العشم فيك طال عمرك

صح لسانك

بس عندي ملاحظه بسيطه

عندك البيت الاول و الثالث و الرابع فيها حرف زايد

و كذلك الشقر عندك مختلف

يعني مثلا الجدايد - بدايد

لان العرضه تختلف نسبيا وهذا من باب تجربه

وسلامتك

وابشر بالرد عقب الصلاه ان شاء الله لاني طالع الان
يوسف العتيبي2
11-24-2009, 02:53 PM
انتقاداتكم تؤدي للفايدة

بس ما يصير يكون الشقر على آخر اربع احرف؟ مثل بدايد شقرت آخر اربع احرف ولا لازم الكلمة كاملة
يوسف العتيبي2
11-24-2009, 03:13 PM
http://www.gltah.net/vb/showthread.php?t=8092



لو تراجع الموضع اللي تشوفه تلقى اني اعتمدت الشقر على اخر اربع حروف بناء على المحاوره اللي في الرابط حيث في كلمة الجاه وصار ردها موجاه.
يوسف العتيبي2
11-24-2009, 03:53 PM
كذلك اللي يدخل عالرابط يلاحظ مخلاه وما خلاه ------الجرايح وجارايح------أفلاه مفلاه والمقصود يا جماعة الخير إنا نستفيد مو تجريح أو غير ذلك
علي الشهراني
11-24-2009, 04:15 PM
حياك الله يا يوسف

وما نقوله للفائده و ليس التجريح

وشقرك انا ما اقول انه غلط ولكن فيه افضل منه

مثل كلمتك الجدايد وقصدك فيها على ما اظن الجديد

لو شقرتها مثلا من عصور الجدايد اي القديم

وهكذا و اكرر و اقول النقاش للفائده و ليس التجريح
علي الشهراني
11-24-2009, 04:32 PM
اسمحلي على التعديل يا يوسف

ولكن اللحن يتطلب انقاص بعض الحروف

استلم طال عمرك



البدع=
مرحبا مرحبا في صيف و الّا ربيع=انت شاعر و عارف من على الوجهتين
لو يروح المقيم ولو يعود الغريب=قوة البيت بنْيَه فوق ساس ن عزاز
مانبيها تعوّد بالزّعَل والنكايد=كل رجل ن تغطّي حَسْنَته سَايته



الرد=
لو حسبنا حساب النصف مثل الربيع=ما نبت يا رَجِلْ في حقْل والوجه تين
فيه شي ن جميل و فيه شي ن غريب=الغلا و المحبه قدركم يا عزاز
الحمل لو تشوفه نظرة العين كايد=ما حَسبْنا حساب الليل و مْسَايته
يوسف العتيبي2
11-24-2009, 04:35 PM
هلا اخوي علي لكن ترى فوق راسي مية علامة استفهام حول فن العرضة صراحة صارلي محاولات قبل كذا وأطلع عليها الشاعر إبراهيم الشيخي وأثنى عليها ونبهني على نقاط مهمة وأن العرضة يحتاج لها جلسات كثيرة وكل ما كلمته ابي اجلس معه واستفيد منه إلا هو بعيد احيان داخل المملكة واحيان برا ومعذور ابو خليل لكثرة ارتباطاته لكن والحمد لله في تحسن مع اني معترف ان الصورة لم تكتمل عندي بخصوص العرضة لها شروط ولها انظمة شوي معقدة يعني ما عرفت الضابط المعروف فيها فإذا سمحتلي بعد العيد إن شاء الله أبغاك تجاوب على أسئلة كثير عندي لأني بصراحة عازم على تعلم فن العرضة

وتقبل خالص تحياتي،،،،،،،،،،،
علي الشهراني
11-24-2009, 04:44 PM
حياك الله يا يوسف


و ابو خليل على العين و الراس


وانا في انتظارك بعد العيد ان شاء الله


واي خدمه انا مستعد و اخواني صقر غامد و عماد بن خماش و بقية الزملاء اللي يجيدون العرضه


و كل عام وانت بخير و من العايدين قبل الزحمه
يوسف العتيبي2
11-24-2009, 04:47 PM
ومن العايدين وكل عام وأنت والمنتدى وأعضاء المنتدى بألف خير
صقر غامد
11-24-2009, 05:30 PM
الله يحييك

بعد العيد وفي اي وقت

ابشر بالسعد

واحنا حاظرين يا يوسف

وانشاء الله نفيد ونستفيد

وكل عام وانت بخير
عماد بن خماش
11-24-2009, 06:58 PM
حنا جاهزين يا يوسف وتحت الطلب ...
أي خدمه تبيها وإحنا حاظرين إن شاء الله
بما يسرّك ويفيدك
وما كتبته مسبقا رائع وممتاز
ولكن ليس فيها الا ملاحظات قليله
وقد أشار إليها علي مشكوراً
تقبل تحياتي ..
وسأظل واثقاً بأنك تستطيع الخوض في فن العرضه بكل قوه
لحماستك وأبياتك الجزله

تقبل تحياتي وشكري

وكل عام وانتم بخير
يوسف العتيبي2
11-24-2009, 07:46 PM
صقرغامد________________عماد بن خماش

كل عام وإنتم بخير ولا عدمتكم وشاكر ومقدر وقفتكم ولا نستغني عنكم بأي حال وأبشروا بالإزعاج والله بعد العيدههههههههههههههههههههههههههههههههههههههههه