علي الشهراني
11-14-2009, 01:53 PM
هذي مراسله بيني و بين الشاعر منيف سعيد الشهراني
البدع من عندي انا
يا الله يا رب المزون المراديف = ورب الهوا اللي في سماها حملها
تدلني لاما نظمت المحاريف = اجيب صاملها واخلي هزلها
سلام بسم العز والعز للقيف = قيف الخفاجي زبن منهو وصلها
قضاية الحاجة وبهاجة الضيف = طلق الوجيه مكرّم الله سبلها
واثني سلام العز بالعز لمنيف= الشاعر اللي لا بغاها عقلها
شاعر ومتمكن وفاهم وحريف = ينقض بيوت الشاعر اللي فتلها
سلام يا عارف وسيد العواريف = لا ثقلت الحمله حملها جملها
يفداك من شعره هروج وسواليف = اللي عليه النفس يضرس زعلها
هو يحسبنه راقيٍ فالمشاريف = ما يدري انه تحت موطى سهلها
يا بوعقاب الحضر ما تبغي الريف = والحضر لولا الريف محدٍ نزلها
عيني وانا وسط البحر تنظر السيف = وسفينتي تمشي مهلها مهلها
ما همني هرج الضعوف الملاقيف = والنفس ما تجزى يكون بعملها
يا حيف من بعض المخاليق يا حيف = اللي على الدنيا سريعٍ عجلها
مع السلامه يا قلوب المواليف = كبد العنا يكفي عناها دبلها
الصحبة اللي كلبوها تصانيف = قطعتها وارجي من الله بدلها
يقوله اللي ما صفتله على الكيف = وان ثقلت حموله لحاله حملها
فيالله يا رب المزون المراديف = تحسن ختام النفس لا حان اجلها
الرد من الشاعر منيف الشهراني
أرحب عدد ما لاح في مزنة الصيف=برق ٍ ليا منها تهادت شعلها
يانسل مروين الحداد المراهيف=وأصحاب صعبات المواقف وهلها
دعوى بني واهب هل الرمح والسيف=يوم القبايل تغتنم في جهلها
تاريخهم من ماضي الوقت قد شيف=وأمجادهم ماهوب سهل ٍ زوَلْها
وآل العلا شيخان قوم ومواقيف=ما تجهل العصمان شيخ ٍ كفلها
يبن العلا جتني حروفك ملاهيف=من صحبة أجناس ٍ خبيث ٍ عملها
والصحبه اللي حسب هذي التواصيف=جنّب مخاواة أهلها واعتزلها
لا عاد تستفتي عن احلولها كيف؟=اجتثـّـها مادام بيّن خللها
بعها ولا تكثر عليها التحاسيف=قد قالها اللي قبلنا وانت قلها
لاصارت الدعوى مزاج ٍ وتكييف=فالله ولا نفس ٍ ثقيل ٍ زملها
غيّر مسارك وأنت فاهم وعرّيف=وتلقى لكبدك من يداوي عللها
إلا لياجت من قرابه وياحيف=فصبر على هفواتها واحتملها
مثلك جليل واسع الجال وامريف=يدمح خطاياها ويرفا خملها
لين الله يعدّل ميول المعاجيف=وتندم هل الزلـّـه وتعرف زللها
وعليك عن موطى السهل بالمطانيف=والنفس لا تجزع وتفقد أملها
دامت خطاوي الساق ماهي مكاتيف=سجها وتنسى ما بقلبك وتلها
وصلاة ربي عد وبل المراديف=على نبي لـُـمّـه وجالي جهلها
البدع من عندي انا
يا الله يا رب المزون المراديف = ورب الهوا اللي في سماها حملها
تدلني لاما نظمت المحاريف = اجيب صاملها واخلي هزلها
سلام بسم العز والعز للقيف = قيف الخفاجي زبن منهو وصلها
قضاية الحاجة وبهاجة الضيف = طلق الوجيه مكرّم الله سبلها
واثني سلام العز بالعز لمنيف= الشاعر اللي لا بغاها عقلها
شاعر ومتمكن وفاهم وحريف = ينقض بيوت الشاعر اللي فتلها
سلام يا عارف وسيد العواريف = لا ثقلت الحمله حملها جملها
يفداك من شعره هروج وسواليف = اللي عليه النفس يضرس زعلها
هو يحسبنه راقيٍ فالمشاريف = ما يدري انه تحت موطى سهلها
يا بوعقاب الحضر ما تبغي الريف = والحضر لولا الريف محدٍ نزلها
عيني وانا وسط البحر تنظر السيف = وسفينتي تمشي مهلها مهلها
ما همني هرج الضعوف الملاقيف = والنفس ما تجزى يكون بعملها
يا حيف من بعض المخاليق يا حيف = اللي على الدنيا سريعٍ عجلها
مع السلامه يا قلوب المواليف = كبد العنا يكفي عناها دبلها
الصحبة اللي كلبوها تصانيف = قطعتها وارجي من الله بدلها
يقوله اللي ما صفتله على الكيف = وان ثقلت حموله لحاله حملها
فيالله يا رب المزون المراديف = تحسن ختام النفس لا حان اجلها
الرد من الشاعر منيف الشهراني
أرحب عدد ما لاح في مزنة الصيف=برق ٍ ليا منها تهادت شعلها
يانسل مروين الحداد المراهيف=وأصحاب صعبات المواقف وهلها
دعوى بني واهب هل الرمح والسيف=يوم القبايل تغتنم في جهلها
تاريخهم من ماضي الوقت قد شيف=وأمجادهم ماهوب سهل ٍ زوَلْها
وآل العلا شيخان قوم ومواقيف=ما تجهل العصمان شيخ ٍ كفلها
يبن العلا جتني حروفك ملاهيف=من صحبة أجناس ٍ خبيث ٍ عملها
والصحبه اللي حسب هذي التواصيف=جنّب مخاواة أهلها واعتزلها
لا عاد تستفتي عن احلولها كيف؟=اجتثـّـها مادام بيّن خللها
بعها ولا تكثر عليها التحاسيف=قد قالها اللي قبلنا وانت قلها
لاصارت الدعوى مزاج ٍ وتكييف=فالله ولا نفس ٍ ثقيل ٍ زملها
غيّر مسارك وأنت فاهم وعرّيف=وتلقى لكبدك من يداوي عللها
إلا لياجت من قرابه وياحيف=فصبر على هفواتها واحتملها
مثلك جليل واسع الجال وامريف=يدمح خطاياها ويرفا خملها
لين الله يعدّل ميول المعاجيف=وتندم هل الزلـّـه وتعرف زللها
وعليك عن موطى السهل بالمطانيف=والنفس لا تجزع وتفقد أملها
دامت خطاوي الساق ماهي مكاتيف=سجها وتنسى ما بقلبك وتلها
وصلاة ربي عد وبل المراديف=على نبي لـُـمّـه وجالي جهلها