دردشه مع اقرب شاعر

[قلب الاسد]

مساكم الله بالخير جميعا

ابي ادردش مع اقرب شاعر وياليت يكون مبتدي مثلي :blush-ani

اســـتــلــم


ياسلامي عليكم يازحول الرجــال. . . . .المواقف ترانا نحسب احسابها
........
جاهز ٍ للمواقف بعد جالي مجال. . . . .والاصيله تراها حظ من جابها


اي ملاحظه قلوها واتقبلها بصدر رحب ان شاء الله

[ابو فهد]

صح لسانك قلب الاسد

وننتظر الشاعر ومتابعين لكم ياطويل العمر

[السكني]

صح الله لسانك ومتابع فقط؟؟

[قلب الاسد]

ان شاء الله تستمتعون

ولاهنتوا على المتابعه

[الاصيل]

البقا يالمرحب وانت ضيف الحلال .... بالمواقف ترانا نحسب حسابها

وانا جاهز يا الاسد وانا قدم الرجال .... والاصيله ترانا حنا ركابها


ترني مبتدي واول مره احاور بس ياليت تكون ابياتي زينه

[قلب الاسد]

استلم يالقرم وعساك على القـــوهـ


الذيابه تصايح في روس الجبال. . . . .اعرف الدرب الايمن مانبى شامها

جعل حظك يقوم اليل وكل اليال. . . . .والاصيله تعرف اليوم فرسانــــــها

[الكاسر..]

بدايه موفقه ياقلب الاســـــــــــــــــــد...

وبما ان صدرك يتسع للملاحظات اقول بيوتك الاولى مظبوطه ولا فيها كلام..اما الثالث والرابع موزونات لكن عجز البيت الكلمه الاخيره (شامها وفرسانها) خطأ المفروض يكون آخرها (....ــابها) مثل (حسابها و جابها) وهكذا...

عقبال ما نشوفك فالمحافل يا قلب الاسد...


دمت بود..

[قلب الاسد]

الكاسر تسلم يالقرم على التوضيح

وأي ملاحظه اخرى لا تتردد فيها واشكرك

وان شاء الله تطيح في يدي :bleh:

استلم يالقـــــرم الاصيــــــل

التعـــــديل

الذيابه تصايح في روس الجبال. . . . .مير خلك بديره تعرف اشعابها

جعل حظك يقوم اليل وكل اليال. . . . .والاصيله تعرف اليوم ركابهــا

[ابو فهد]

الله الله لاهنتم يالربع

[فــهــد]

يالربع اسمحولي بينكم شوي..
وانا مبتدي وبحاول اسوي اللي اعرفه لسببين:-

1- اقوي موهبة الشعر عندي
2- تعلموني على اخطائي علشان ما ارتكبها مره ثانيه وامشي على الصحيح


وابي اشارك على السريع لاهنتوك-

يا الاسد والاصيل ياسمح(ن) بالعقال...جيتكم وبراسي علوم ارقى بها
خــذو عــلــومـي ولـكــم بالـرد مجــال...الاصيله بدتـني على اصـحابـها

[مستشارك]

يالربع اسمحولي بينكم شوي..
وانا مبتدي وبحاول اسوي اللي اعرفه لسببين:-

1- اقوي موهبة الشعر عندي
2- تعلموني على اخطائي علشان ما ارتكبها مره ثانيه وامشي على الصحيح


وابي اشارك على السريع لاهنتوك-

يا الاسد والاصيل ياسمح(ن) بالعقال...جيتكم وبراسي علوم ارقى بها
خــذو عــلــومـي ولـكــم بالـرد مجــال...الاصيله بدتـني على اصـحابـها

طيب ياغالي اصبر لين الاخوان يخلصون محاورتهم لاتخرب الملعبه الله يهديك


صحت السنتكم ياشعارنا

[قلب الاسد]

يالربع اسمحولي بينكم شوي..
وانا مبتدي وبحاول اسوي اللي اعرفه لسببين:-

1- اقوي موهبة الشعر عندي
2- تعلموني على اخطائي علشان ما ارتكبها مره ثانيه وامشي على الصحيح


وابي اشارك على السريع لاهنتوك-

يا الاسد والاصيل ياسمح(ن) بالعقال...جيتكم وبراسي علوم ارقى بها
خــذو عــلــومـي ولـكــم بالـرد مجــال...الاصيله بدتـني على اصـحابـها


هلا وغلا فهــد

تعرف اني العب مع الرجال صعبه اغير والعب معك

بيقول اني خايف منه :evil_lol:

يالغالي ياليت يكون طلبك في موضوع مستقل واحنا كلنا مبتدين في الشعر

والدرب اخضر ان شاء الله

[بعيد المشاويح]

صح الله السنتكم يالشعار

متابعين متابعين

[قلب الاسد]

صح الله السنتكم يالشعار

متابعين متابعين


يشرفني مرورك ومتابعتك يالغااالي

لكن الخوي الظاهر نساني