المساعد الشخصي الرقمي

مشاهدة النسخة كاملة : حرب وعتيبه...!!!!

الكاسر..
08-17-2006, 03:06 PM
أســــــــــعدتم مساءا..

واسمحوا لي ودي اسولف انا وصنهات ...




تعال ياصنهات *وأخذ العلوم وهات

ياعل فالك زين *صافي على صافي


انته من عتابه *وحرب حرابـــه

ليش الكلام الشين *صافي على صافي
طبعا اللحن هذا جديد بحيث تكون قافية الشطر الاول من البيت متغيرة وقافية الشطر الثاني ثابته والمعلم غيرك...
بعيد المشاويح
08-17-2006, 03:16 PM
صح لسانك يالحربي والله لايهينك

صنهات موقوف
الكاسر..
08-17-2006, 11:10 PM
على العموم حصل خير...

واذا كان فيه من ينوب عنه كالعطاوي مثلا فليتفضل مشكورا............



دمت بخير
السكني
08-17-2006, 11:31 PM
يالكاسر لاهنت على الطارووووق وهو معرووف لدي انـــا السكني وماهو غريب

ولاكن صنهات روح والعطاوي زعل من زعل صنهات وشكراً
الزايري
08-18-2006, 02:32 AM
اتشرف باللعب معك اذا ما في مانع


انا في انتظار الرد
ولـد الجبلان
08-18-2006, 10:17 AM
الكاسر ...
الزايري يلعب معك لاهنت !
الكاسر..
08-18-2006, 11:58 PM
طبعا يشرفني انك تلعب معي...

بس الاحسن لو تبدأ بطاروق جديد...
الزايري
08-19-2006, 12:51 AM
طبعا يشرفني انك تلعب معي...

بس الاحسن لو تبدأ بطاروق جديد...


الله يرفع قدرك ...

معك على بدعك
الزايري
08-19-2006, 12:53 AM
قافك على الموضة .. فتله ومنقوضه=تسلم على الثنتين.. صافي على صافي



انا من العتبان .. واقف على الحدان=لكن رايح وين .. صافي على صافي
السكني
08-19-2006, 07:33 PM
لكن رايح وين .. صافي على صافي


طيب طيب متابعين بحماسه
ابو فهد
08-19-2006, 10:15 PM
الله الله

صح لسانك يالزايري وانا في صفك ولايهون الكاسر
ولـد الجبلان
08-19-2006, 10:19 PM
هالله هالله بديتووو متابع ... عااشوو ..!
السكني
08-19-2006, 11:30 PM
الكاسر...

انــــــــــــــــــا بصفك لايهون الزايري
الزايري
08-20-2006, 12:04 AM
الأخوة الكرام

السكني

الإدارة( شكر خاص لإن الصف حامي )

ولد الجبلان


اشكر لكم متابعتكم
الكاسر..
08-20-2006, 12:47 AM
اشكر للاخوة الاعضاء متابعتهم...
واخص بالشكر (الادارة_ السكني_ ولد الجبلان)

واستلم لاهنت..


قافي يبى سنافي.. ياجعلك الوافي..

يالشيخ ابو قلبين..صافي على صافي..


اجل تراك تنوب.. والكتب بالمقلوب..
يمين روح يمين..صافي على صافي
الزايري
08-20-2006, 12:56 AM
ما قدمك الا ذيب .. معه الوفا والطيب=والعين فيها العين .. صافي على صافي



كلن على هجسه .. مسئول عن نفسه=كمّل فروض الدين .. صافي على صافي
الكاسر..
08-20-2006, 08:16 PM
انته من اي الناس.. يالصاحب الحساس..

ليتك ترد الدين..صافي على صــــــــافي..



اللي هبــد صدره..ماينـــــــقبل عذره..

يابناخي الاثنين....صافي على صافي
الزايري
08-21-2006, 12:53 AM
انا من الهيلا .. وافين في الكيلا = جب صاع خذ صاعين .. صافي على صافي

ما احد(ن) تعذركم .. يا حرب ما اقشركم = كل العرب دارين .. صافي على صافي
الكاسر..
08-21-2006, 02:24 AM
استلم لاهنــــــــــــــــــــت






دايم بـــبيت الله.. .تعــــبـــــدون الله..
والنعم يالوافين..صافي على صافي..!!!

لاتقربون النار..ترى العلوم كثار..
لاتحدني ياشين..صافي على صافي
الزايري
08-21-2006, 09:49 AM
يشهد بها العدوان .. من ماضي الازمان = يا الحربي المسكين .. صافي على صافي

***
ما نحسب المخسار .. لامن رحاها دار = الماء شربه الطين .. صافي على صافي
ابو فهد
08-21-2006, 11:47 AM
يشهد بها العدوان .. من ماضي الازمان = يا الحربي المسكين .. صافي على صافي

***
ما نحسب المخسار .. لامن رحاها دار = الماء شربه الطين .. صافي على صافي


الله الله صح لسانك يالزايري ولايهون الكاسر

ومتابعين
الزايري
08-21-2006, 11:49 AM
الله يعطيك العافية أبو فهد

اشكر لك


مرورك


ومتابعتك
السكني
08-22-2006, 02:20 AM
الله الله الله

متابيعين وقاضب الصف بحماس
الكاسر..
08-22-2006, 11:26 PM
في فعلكم نشــهد...خربتــــــــوا المسجد..
وفالضلع متوزين..صافي على صافي..


راحت على الفاضي .ياحضرة القاضي..
مار الوعد بعدين..صافي على صافي..


ألف شكر يالزايري تشرفت باللعب معك..وان شاء الله يطيب لقاءنا فالليال المقبله؟؟
الزايري
08-23-2006, 12:22 AM
من كل حدب وصوب .. جت رقعة في الثوب = والثانية من وين .. صافي على صافي
انا على الميقاف ... وانته على مهياف = الله عليك يعين .. صافي على صافي


الشكر لك موصول ...

والله يجعل أيامك كلها طيب انت والمتابعين
نيشان
08-24-2006, 02:25 AM
الله الله يالكاسر طاروق راااااااائع وانت اروع
وتراني بصفك
الزايري
08-24-2006, 05:00 PM
الله الله يالكاسر طاروق راااااااائع وانت اروع
وتراني بصفك


هلا بك .. اخوي نيشان.. يعجبني حماسك من البداية

لكن ترى الحكم صفر في ها المنازلة

((رديت عليك لأن الكاسر غيابه كثير))