يشمل غريب الهويه

[شجاع بن بخيت بن ساعد]

هذه قصيده قلتها في والدي اسأل الله العلي القدير ان يفك اسره وحقيقه ان ولاة امرنا مكارمهم شملت البعيد والقريب ويصدر العفو وللاسف مايستفيد منه الا الاجانب وقلت قصيده عساها تنال اعجابكم
لاياوطن يوم بالقسوه تجازينا=حرام بالزجر والحرمان تجزانا
نحسبك بالحب والرحمه تغذينا=لجل ان حبك سرا في الدم واحيانا
ونحسبك لاجا المصاب انك تواسينا=وترد من وحشة الاوجاع ماجانا
واليا صرخنا نحسب انك بتوحينا=ولاحد"مسح دمعة الحسره وواسانا
ونحسبك من غير مانطلبك تعطينا= واجب تبادر يمينك ماتحرانا
ونحسبك لاصكت الاصفاد رجلينا=ببرد عفوك وصفح"منك ترعانا
ونحسبك لاشفت ثوب الحزن كاسينا=ترسم بلون الفرح ضحكة محيانا
ونحسبك لايبست الارياق تسقينا=من نبع حبك ونروي ماك من مانا
انا اشهد انك بنار الظلم كاوينا=الغير تعطيه من كفك وتنسانا
في ذمتي ياوطن ضيعت امانينا=واليوم اشوفك تقول انك من اعدانا
واليوم نصفق عليك براحة ايدينا=حرام والله تهمشنا وتجفانا
واليوم حتى بنود العفو ناسينا=يشمل غريب الهويه ويتعدانا
ولادري عن امواج بحرك وين ترمينا=في بحر الاحزان مدري وين مرسانا
ياليتنا يوم رحنا عنك ماجينا=لواننا مانبي تغريب الاوطانا
الي طوانا من الحرمانا يكفينا=ياجور ظلمك بعد ظلمك تولانا
لاياوطن لاتطاوع باغي"فينا =نذر"علينا نهار الضيق تلقانا

شجاع بن بخيت بن ساعد بن مرعي الحارثي

[شاكر السلمي]

صح لسانك
واسال الله ان يفك اسر والدك
والقصيده معبره واحزنتني جدا
تقبل مروري