>> ضيــــفٍ جديــــد <<

[الزايري]

>> ضيــــفٍ جديــــد <<

ضيــــفٍ جديــــد يطربه بدع الالحـــــان
خص ليا جت في جميل المعاني
صيده ثمين(ن) وان شرا باغلى الاثمان
في واجب الغالين جاب السماني

[السكني]

يامرحبا وعداد ماهلت امزان=انت المعزب يا عريب المجاني
وحنا ضيوف الشيخ شرواك يفلان=نقلط على حاشي وسمنن عداني

[الزايري]

اشكرك أخي السكني على سرعة التجاوب والترحيب واستلم من أخيك..




دام البقا يا مشرفٍ جيت نشطـان=ما ادري عشان الناس والا عشاني!
والله يبارك في المعزب ولا هان=والحمـــد للمـــــــولى لداره هــــداني

[ابو فهد]

الزاير حياك الله بين اخوانك في منتديات القلطه والقصيد
واللتي اسست واوجدت من اجل الموروث الشعبي حفظ

نتمنى ان نراك نجما لامعه في سماء القلطه والقصيد ومن فطاحلة شعراءها
ويبدوا لي ذلك

فاهلا بك من جديد

[الزايري]

بارك الله فيكم أخواني في .. "الإدارة" ..

واشكركم على الحفاوة .. ونتمنى مزيداً من التألق لهذا المنتدى الرائع

والذي يهتم بهذا الفن الغالي على قلوب محبيه

[العطاوي]

ياهلا فيك وياغلا


نورت المنتدى يالزايري وارحب ثم ارحب


ولله دركم على هالمحاورة انت والسكني صحت السنتكم


متااااابع



وياهلا فيك ثاني مرة يالزايري .




تحياتي

[الميموني 12]

حيت يالزاير
في المنتدي
والله الله علي هذا القاف
وصحت السنتكم

[الزايري]

الأخوين الكريمين ..

العطاوي و الميموني ..

اشكر لكما ترحيبكما ومعرفة خير أيها الأحبة..

[السكني]

اسف على التأخير....!


حيت ياحرن على راس برزان=والله على شانك ماني شقلباني
يالزايري بالمنتدى كلنا اخوان=الله جمع مابين قاصي وداني

[الزايري]

تسلم ... وما حصل قصور


وش حيلة اللي صار مديون ومدان
.................................حلف له السكني بسبــــع المثاني
الروضة اللي كلــــــها شيح وافنان
................................ يسعد بها المشتاق في ذا الزماني

[السكني]

استلم يالقرم :)

ان كان تبغى الخوخ بعطيك رمان=موجتك يمكن تنسمع بالاذاني
يا صاحبي بالوقت كلن على لان=كلن يحسب انه سبح باليطاني

[الزايري]

الموجه اللي كلها حكي ورطان=يقصر مداها عن طوال اليماني
ما دام جبت العلم من يم لبنان=باجيب من مسقط بعير عماني

[السكني]

هدد سبا ماهو كما طير حوران=قلته بعد هجسن بقلبي لافاني
في صور شفنا زوبعت كل شيطان=الذيب ماهابه نباح الحصاني

[احمد الجبلي]

مرحبا فيك يالزايري

وانت بين اخوانك

[الزايري]

اشكرك أخي أحمد الجبلي على الترحيب

والله يبارك بالجميع

[الزايري]

استلم يالسكني يالذيب


هاجسك ما حذرك من فعل شقران= حر(ن) يجيب الك الهدف في ثواني
فعل اليهودي زوبعة وسط فنجان= قريتها في سورة في القراني

[السكني]

انا ماني كامل ولاني بنقصان=عشري بوقتي ماتروح ثماني
يالزايري المطرقه حدر سندان=ياصاح لاتجهل فعول ابليهاني

[الزايري]

الفارس اللي داج في كل ميدان=اليا عطيته مدح رد وهجاني
الرجل قد قالوا لنا قلب ولسان= هوّن على نفسك تراها طماني

[السكني]

يالزايري حنا نجازيك بحسان=والطيبه تكتب بجنب الحساني
رجلن مابه طيب وشجاعه وأحسان=يالزايري يستاهل الخيزراني

[الزايري]

الطيبة في الطيّب يجيلها شان=واهل الردا دايم وهم في هواني
يا السكني اختمها على بر وايمان=دام الجمل فيها يجر السواني

[السكني]

أجل ختمنها بريح عنبر وكاد يا طويل العمر

وشرفني اني العب معك ياطويل العمر

[الزايري]

الشرف لي طال عمرك

واسلم لأخيك

[السكني]

لاهنت يالقرم
وبيض الله وجهك ولا هنت

[ولـد الجبلان]

لاهنتوو جميع وصح السنتكم
ومحاوره جميله .. مشكووورين وماتقصرون ..!