ذخر الصعبه
04-22-2009, 06:09 PM
السلام عليكم ورحمة الله وبركاته
تسعدني المشاركه الاولى مع اخواني الشعار في هذا القسم على امل ان ترتقي الى ذوائقكم
بكره بعد حان الوعد .. تصبح على وضح النقا=لاطاحت الشمس وطلع على ظهرها بدرها
لابد نعرف هقوة الي في زمانه قد هقا=ولابد ما النار .. الهبايب يوم .. تحيي جمرها
يابو وليد انته وانا من ماضي الوقت اصدقا=وام اليدين امست يديها منك تحفر قبرها
اخوك قطاع الخرايم ياحدر يا أما رقا=نجعته غلق ياحمر العينين ثامن شهرها
موقفك مشهود من الماضي لاجا يوم اللقا=ترى النوايا كلبوها سلمت لك أمرها
علم لي الي من عصير يخض بالمويه سقا=ماهوب رايح زبد .. ليت يداه يقصر شبرها
دام الجمال ارقابها اعن الزور لاهنت فهقا=يبي يضيع السم لامنه مشى في نحرها
ترى السعاده ماتجي يالطيب الا بالشقا=هذي بصيرة نفس ماهوب المثايل بصرها
انا ادري انك مانت والاعذار بالوقت رفقا=مانيب عاذرك وربوعك ماتحرى عذرها
كل على عهده من الاصحاب في الشده بقا=ومن الهواجيس امتلى صدري لاهنت وصدرها
الملك لله ماهو لغيره لك الله والبقا=وعباده الابرار محفوظ بزمنا قدرها
ان قالها الله ولقيت الي بعد موت لقا=صبري ليا مني تحديته يكسر صبرها
اجلس على جال البحر لو كان قلبك ماتقى=الشمس حتى الشمس تسقط خلف سابع بحرها
تسعدني المشاركه الاولى مع اخواني الشعار في هذا القسم على امل ان ترتقي الى ذوائقكم
بكره بعد حان الوعد .. تصبح على وضح النقا=لاطاحت الشمس وطلع على ظهرها بدرها
لابد نعرف هقوة الي في زمانه قد هقا=ولابد ما النار .. الهبايب يوم .. تحيي جمرها
يابو وليد انته وانا من ماضي الوقت اصدقا=وام اليدين امست يديها منك تحفر قبرها
اخوك قطاع الخرايم ياحدر يا أما رقا=نجعته غلق ياحمر العينين ثامن شهرها
موقفك مشهود من الماضي لاجا يوم اللقا=ترى النوايا كلبوها سلمت لك أمرها
علم لي الي من عصير يخض بالمويه سقا=ماهوب رايح زبد .. ليت يداه يقصر شبرها
دام الجمال ارقابها اعن الزور لاهنت فهقا=يبي يضيع السم لامنه مشى في نحرها
ترى السعاده ماتجي يالطيب الا بالشقا=هذي بصيرة نفس ماهوب المثايل بصرها
انا ادري انك مانت والاعذار بالوقت رفقا=مانيب عاذرك وربوعك ماتحرى عذرها
كل على عهده من الاصحاب في الشده بقا=ومن الهواجيس امتلى صدري لاهنت وصدرها
الملك لله ماهو لغيره لك الله والبقا=وعباده الابرار محفوظ بزمنا قدرها
ان قالها الله ولقيت الي بعد موت لقا=صبري ليا مني تحديته يكسر صبرها
اجلس على جال البحر لو كان قلبك ماتقى=الشمس حتى الشمس تسقط خلف سابع بحرها