المساعد الشخصي الرقمي

مشاهدة النسخة كاملة : بقعا !؟

الذيبة
07-31-2006, 06:59 AM
السلام عليكم ...


يالله إني نصيتك من تهاويل بقعا :: لاتخيب رجاي ولا ترد الدخيل
يالله إني نخيتك والمخاليق تسعى :: وإكتفيت إبك ياربي ونعم الوكيل
شفت من دنيتي شي برا الحال وأدعى :: كل ضلع على الثاني يخووور ويميل
كنت أحسب إن نفسي ضد لدغات الأفعى :: وأثر بيديني أشرب سمها فالصميل
إييييييييه ياعيني الي شافت الناس هجعا :: لا تضيقين ربعتس واجد والدليل
إن دنياتس كانت طاعتن لتس وسمعا :: وأصبحت تخفي الحقد في وجه جميل

وسلامتكم ..
عمر السعدي
07-31-2006, 10:23 PM
الله ما اجمل هذه القصيدة الجميلة

سلمت اناملك اختي الذيبة عليها

والى الامام دائما
الذيبة
07-31-2006, 10:44 PM
سلم راسك .. مشكور عالمرور .. وسلم على بغداد الله يعزها :icon30:
ناظم القاطرجي
07-31-2006, 10:58 PM
تسلمين اختي الذيبة على هذه الكلمات الرائعة
الذيبة
08-01-2006, 05:59 PM
الللله يسلمك .. ومشكور على مرورك وتشجيييييعك !
السكني
08-02-2006, 09:32 AM
يالله إني نصيتك من تهاويل بقعا :: لاتخيب رجاي ولا ترد الدخيل

بيت سيخلده التاريخ

مشكور على الابيات..!؟!؟!
الذيبة
08-04-2006, 09:32 PM
السكني :

تسلم والله ..


(( مشكور على الابيات..!؟!؟! ))

1 / أنا بنت منيب ولد !
2 / وشو له علامات التعجب والإستفهام ؟
:)
شاكرة لك مرورك وتشجيعك ...

الديحاني :

العفو العفوووووو :)
الميموني 12
08-04-2006, 10:19 PM
الذيبة صح لسانك
ياخت الرجال
ابو فهد
08-04-2006, 11:02 PM
صح الله لسانك ملايين يالذيبه
الذيبة
08-05-2006, 12:55 AM
الميموووني :

صح بدنك .. تسلم يا أخوي ..
ماعليك زووود :icon30: !

الادارة :

صح بدنك طال عمرك ..
السكني
08-05-2006, 02:38 AM
علامت الاستفهام

اقلوولج ليه؟؟؟

مانرى في شعر النسائي شعر جزل

ولاكن ترى قصيده او قصيدتين فقط

وبعدين تبدا تخورها الشاعره اسف على كلمة تخورها(هذى طبيعتي بالكلام)


والدلايل كثر وشكراً
الذيبة
08-05-2006, 04:20 AM
إيييه
طيب ليه ماتكتبتها علطول وش بيفهمني إن هذا قصدك من الإستفهامات !؟
الزبدة .... ( أصابع يدك ماهيب سوااااا )
عفواً ..
العطاوي
08-05-2006, 10:02 PM
الذيبه ابياات في قمة الرووعة

وتسلم يمينك عليها


وعذراً لهذه المقاطعة وربما أكون مخطيء

ولكن في الشطر الأول من البيت الأول
وفي الشطر الثاني من البيت الثاني


يالله إني نصيتك من تهاويل بقعا ::
يالله إني نخيتك والمخاليق تسعى ::

لو استبدلتي كلمة نصيتك بدخيلك وكلمة نخيتك بكلمة رجيتك

يالله إني دخيلك من تهاويل بقعا

يالله إني رجيتك والمخاليق تسعى


وما ادري هذي وجهة نظر قابله للصواب وقابله للخطأ


اكرر شكري لك وماقصرتي وصح لساانك


ولاتحرمينا جديدك



تحياتي
الذيبة
08-05-2006, 10:23 PM
ومن قال ساااااااالم ..

( وفي الشطر الثاني من البيت الثاني )

قصدك الشطر الأول ولا ؟

إلا والله إنك مصيب .. وأنا كاتبتها وأنا عجلة !
ما قصرت ياخوي .. وهذا الهدف من نشري لقصايدي ..
النقد والتوجيه والإستفادة من خبراتكم طال عمرك ..
صح بدنك ولاهنت على المرور ..
العطاوي
08-05-2006, 10:34 PM
هلا بالذيبه

عليك نووور
صح عليك اقصد الشطر الأول من البيت الثاني عفواً

والعذر والسموحة بس كنت مطسس شوي <<اثار الصداع :shiny:

وانا اقول ليه راسي صدع اثرني عشاني غلطت <<<<<يرقع هههههههههه

وكلنا نتعلم من بعض يالذيبة


ولاتحرمينا من كتاباتك حتى لو كانت على عجلة



تحيااتي
الذيبة
08-05-2006, 11:59 PM
هلا .. ماصار إلا الخير :) ..
وأنت لاتحرمنا مما عندك ..
السكني
08-06-2006, 04:15 AM
طيب ليه ماتكتبتها علطول وش بيفهمني إن هذا قصدك من الإستفهامات !؟

لي عوده

ماكان قصدي الي كتبته لج الاستفهام لها شي في بالي
ولـد الجبلان
08-19-2006, 08:25 PM
كلمات ولا اروع والله يالغالي
لاهنت على النقل لنا او صح لسانك على هالخاطره الجميله
مشكووور وماتقصر يالغلا .!