رثاء ..

[شيمة]

ودي برجمٍ ما رقوه المساكين=أبفتتح فيه البكا والمعاناه
من الفجر حتى يجي الليل ليلين=ثم أبتدي عاد الدعا والمناجاه
أهل ما كفكفت في محجر العين=وأسرف بهله وأطلق الفكر يملاه
ماحولي إلا سهيل والريح سهرين=تمسح على نوره عن الخد ماجاه
الحال مخطوفة ورى الخاطر الشين = والي قبل نشفق له اليوم عفناه
لي جدة -ٍ كانت - ولا ليش هالحين=راحت - وخلتني على الأرض - لله
وادعتها بآخر لقا مصافح يدين=حبيت مفرقها وحبيت حناه
أقول ياجدة علي لاتردين=إن كان يتعبتس الحكي نصبر بلاه
جاني جواب موادعي عقب يومين = ياشيب عيني يوم جابوه شيباه
علم ٍ تتعبني مواريه من حين = واليوم واجهنا لو إنا كرهناه
أواه يا جدة على أواه ألفين = ألفين لو تنفع مع أواه أواه
وشلون راحوا بتس بالأقدام ماشين = مكفن راستس وأنا روحي فداه
رحتي وحيدة وأحسب نروح ثنتين = من ساع رحتي لكن الله ماشاه
الحمد له والشكر فالعسر واللين = والامر له والتايه يلوذ بحماه
ألوذ به يومن توفت على الدين = يمينها تشهد بلا رب إلاه
ومصحف تقول إني شريته بخمسين = من سوق مكة حبها له وطرياه
وسجادة ٍ بأثر جبين ٍ وكفين = وأقدام . ينحته الزمن كان ننساه
الله يذكرها عن الناس بالزين = لو عاد كم قد سَمعت وكم سمعناه
والله يجمعنا بها والنبيين = وأصحابنا وأقرابنا جلّ بعلاه
بأعلى جنانه قولوا آمين آمين = هذي هجوس البال مع غاية مناه

[ابو هليل]

قصيدة معبرة صح لسان قايلتها

[شيمة]

تسلم
صح بدنك يالأخو .

[ابو فهد]

صح لسانك ياشيمة

والله يرحم جدتك ويسكنها فسيح جناته

[شيمة]

آمين يارب العالمين ، وإياك والمسلمين
صح بدنك ولاهنت

[قلب الاسد]

والله يجمعنا بها والنبيين
وأصحابنا وأقرابنا جلّ بعلاه
بأعلى جنانه قولوا آمين آمين
هذي هجوس البال مع غاية مناه



اللــه يرحمــهاااا ويرحم جـميع امـوات المـسلمين

مـاء شــاء الله عليـكـ ياشــيمه وعلى بـوحكـ


واللــه يــصبــركم على مـاصـار

[شيمة]

آمين يارب العالمين ، الله يتقبل منك
مشكور أخوي .