من بعد طول الغياااااااااااااااااااب

[صنيتان العضياني]

البارحة


البارحه يوم المخاليق غافين = وأنا سير الليل دمعي ذواريف

أسرح بفكري وأكثر الناس سالين = الحزن لي مركب تزفه مجاديف

تطعن جروحي مثل طعن السكاكين = ولا زادت همومي رقيت المشارف

يرتاح بالي من عناء الوقت ويزين = أبعد مجالي عن وجيهٍ ملاقيف

حاولت أخفي دمعتي داخل العين = وهلت دموعي كنها وابل الصيف

يوم أتذكر ما مضالي من سنين = والوقت ما يرحم وقاسي كما السيف

والحظ طايح والتجارب براهين = محدن تجي دنياه دايم على الكيف

والصاحب اللي باعني من زمانين = ماني على المقفي كثير التحاسيف

أصبر على حالي على الزين والشين = عايش زماني لو حصل فيه تكليف

أضحك وأجامل لو همومي ملايين = والصبر زين ولو عرضله صواديف

[خيال الأصيله]

صح اللسانك ياصنيتان

[صنيتان العضياني]

خيال الأصيلة بيض الله وجهك وما قصرت واشكرك على المرور

[سيف العضياني]

صنيتان العضياني


صح لسانك واعتلا شانك وكما عودتنا مبدع دائماً وقصيده طيبه وبيض الله وجهك


وننتظر جديد إبداعاتك يالغالي

[موهق الغنامي]

صح لسانك ياالعضياني
وتسلم يمينك على هاذا الابداع
تقبل مرورى
اخوك
موهق الغنامي

[صنيتان العضياني]

يكفي حضورك يابن العم والله لا يهينك.