يارجال المعرفه في خاطري تسعين نيه ** اقرب شاعر

[ذخر الصعبه]

يارجال المعرفه في خاطري تسعين نيه=والنوايا ثابته والأمن مطلوب الرعيه
جيت ابضحي ولكن من يبي يكون الضحيه=والنصيب يصيب والدنيا تجيب الي تجيبه



ان راحت الاوله ماروح التالي=مير الدير فلو الناس بمفاليها
السيل بالدار ياعربان سيالي=شعبانها لوسدت غصب قافيها

[سيف علوى]

الله الله صح لسانك

نتظر اي شاعر

متــــــابعـ .......

[قلب الاسد]

صح لســانك يابــو ســطا

والمــجال مـفتوح للشــعار

[لحظة شعر]

صح لسانك يابو سطا
متـــــابع

[ذخر الصعبه]

صحت ابدانكم ولاهنتو على المتابعه

وين الشعاااااار؟

[راعي المجاهيم]

يا جماعه ويين الشعار لا تخلووون ابو سطا

[ذخر الصعبه]

وييييييييييييينكم

[راعي المجاهيم]

اررحب يا ابو سطا

واستلم لاهنت:


هود اشوي وترفق وش بلى مسواك حامي = والله اني خابرك شاعر ورجالٍ عصامي
وكان ناوي لك تضحي تدور عيال الحرامي = والنصيب يصيب والدنيا تجيب اللي تجيبه



يالله يالله يا يالله يا والي = انك اتيسر اموره لاتخليها
الدار يا صاحبي من دونها ارجالي = قامت عليها من اولها لتاليها

[قلب الاسد]

الله الله

واصــلو واصــلوا

[ذخر الصعبه]

حياك الله ياراعي المجاهيم ونتشرف بمجاراتك



مع سواتك مابها ياطيب النيه ترفق=وكان تبغالك شفاقه ماهو بحاصل تشفق
الضحايا ياوجيه المعرفه دوم المطفق=والنصيب يصيب والدنيا تجيب الي تجيبه



عرضت مجاهيمك اليوم الخلا الخالي=ياكسرت الظهر والله ياشواويها
ترى الدير ماحماها ريف الحالي=الله عن مثلكم بالوقت مغنيها

[ذخر الصعبه]

لاهنت اخوي قلب الاسد

وشكرا على المرور

[راعي المجاهيم]

ارررحب يا ابو سطا

واستلم لاهنت:


اكرب احزامك وشد الحيل وصلوك العداء = والطفاقه نعرف المطفوق يوم انه بداء
والله انا ما بغينها تجي في المبتداء = والنصيب يصيب والدنيا تجيب اللي تجيبه

حفظتها فبلكم يا طيب الفالي = خل الشواوي تدور في حراويها
حنا حمينا الدير في المرقب العالي = وان ما حمينا الدير من هو بيحميها

[ذخر الصعبه]

تعرف الي فوق راس الضلع يارجال بادي=وانت منته قد ميقافي وجيت اليوم غادي
قدموك القوم ليه وانته تصيح وتنادي=والنصيب يصيب والدنيا تجيب الي تجيبه


ابنشدك ليه ماوقفت بالحالي=ماباقي الا العرب ترميك بيديها
وانته سفير العرب والقايد الغالي=الظاهر الصدق حاميها حراميها

[راعي المجاهيم]

ارررحب يا ابو سطا

واستلم لاهنت:


اعرف اللي فوق راس الضلع يا رجال عاوي = الله انه يحفظك عن كل انواع البلاوي
ولا تقدمنا عبث يا صاحبي جينا رهاوي = والنصيب يصيب والدنيا تجيب اللي تجيبه




وشلون اوقف ترى منتب على بالي = دربٍ مشيته بكمل لين اعاليها
وانا سفير العرب والبيع بريالي = والصدق جنبت عنه وجبت باقيها

[أبو حمود]

الله الله



واصلوا يالنشامى



والله لايهينكم على هالطاروق الكايـــف

[السكني]

جايب لكم شاهي على كيفك فيفكم ماذقتو مثله من اول


http://www.friendsoflight.com/pg/data/500/STU6429.jpg

متابع بنص عين ...



وصح السانكم مقدماً

[ذخر الصعبه]

اسمحلنا على التأخير


خابرين صحيبنا دون الجبل ينصب خيامه=ساعة فيها يصلي ساعة يعلن صيامه
يالله انك توصله ريع الهنا قبل الندامه=والنصيب يصيب والدنيا تجيب الي تجيبه


دلوك تصافق ياراعي الهرج بالجالي=منته مصدر ونفسك منت مسقيها
من بعد جيناك سوقك يرخص الغالي=عان البعارين حملتها تزوزيها

[ذخر الصعبه]

ابوحمود لاهنت يالقرم على المتابعه

السكني ههههههههه لاهنت يالذيب ولاعدمناك شاهيك يكيف الراس

[لحظة شعر]

صحت السنتكم

[ذخر الصعبه]

صح بدنك

اخوي لحضة شعر

[راعي المجاهيم]

ارررحب يا ابو سطا ومسموح الله يطول عمرك

واستلم لاهنت:


خابرين اصحيبكم ما فيه عذروبٍ تقوله = مالكٍ كل الفضاء يا صاحبي عرضه وطوله
يا عميل الخير لا تاخذ على الطرقي عموله = والنصيب يصيب والدنيا تجيب اللي تجيبه


ترى الدلي لو تصافق مضرب امثالي = ومن يارد العد يارجال يرويها
وان جيت في سوقنا بيضرب العالي = ما عاد تنفع جنيهاتٍ توزيها

[ذخر الصعبه]

اي بالله مابك عذاريب يالقرم

صح لسانك مليون وتشرفنا بمجاراتك

الى لقاء قادم بأذن الله

[راعي المجاهيم]

ارررحب يا ابوسطا تشرفنا باللعب معك واستفدنا منك الله يطول عمرك

والعذر والسموحه كاننا اخطينا في حقك

وتقبل فائق تحياتي وتقديري

[عبدالعزيز بن سويط]

من العيار الثقيل



من اللعب الجميل



لكم الشكر الجزيل





ابداع





صح الله السنتكم يابو سطا ويا رعي المجاهيم