سمووو المجدددد لك دااااااعي

[البلجيك]

السلام عليكم

سمو المجد اقرب لك داااااااعي




سلامي ردية من الهاجس اللي سرا = اقولها واتعب الهاجوس من شانها

ياصاحبي يا سمو المجد حضر ترا = نبيك تحكم بيوت الشعر واوزانها

.
.
.

[سموالمجد]

عليكم السلام

ارحب يالبلجيك

الله يحييك ودعاك

استلم


يامرحبا يالمسلم عد رد البرى=ترحيبة المسك والريحان عنوانها
حاضر على ماتبي ف/ سر والا جهرى=ماتثبت اقوى البيوت الا بعمدانها

[ابو فهد]

البلجيك وسمو المجد
صح السنتكم ومتابعين لك

واصلوا لاهنتم

[سموالمجد]

حياك الله يابوفهد ومرورك شرف

[البلجيك]

الله يبقيك يا سمو المجد

وعلى ما قيل من فوق سلوك الكهرب




دام البقا وانت شاعر تعرف المشترا=خابرك تطرب مع القيفان والحانها

الله يديم الوفا والعز و المسترا = انته خبير السفينه وانت ربانها

[البلجيك]

حياك الله يابو فهد

[صافي النيه]

الله الله

اسلموا يالشعار

[قلب الاسد]

صحت الالــــسن

واصــلوا

[سموالمجد]

الله يحييك يالبلجيك ويحيي كل من حضر

استلم


ماكل من جا حرى جاه الوحي في حرى=وماكل من غاص بحور يجيب مرجانها
الناس فيهم مشايخ غيرنا واومرى=وليلى لو تصيح يالله قلّ خلانها

[البلجيك]

الله الله

استلم



انتوا وحنا نعرف الصح والمنكرا=الخيل ما تعسف الا عند فرسانها

الناس تتعب على الديكور و المظهرا=حتى الحبيبه خدعها كثرت الوانها

[البلجيك]

الله يحي كل من حضر

رفع المعنويه و التشجيع مطلوبه

[سموالمجد]

استلم


البينه بينه والخافيه فالذرى= شوف الذيابه تعوى فوق ضلعانها
طبق الاصل والاصل سوى سوى لمن قرى=سبحان من يفرق الصاحي وعميانها

[البلجيك]

المعذره على التاخير... اشغلنا الراس الكبير

استلم يا صديقي


اللي رقا يا سمو المجد ما دحدرا = يكفي النفوس الغنيه فعل ذرعانها

الرابح اللي ماجاب الهزل والافترا= ياكل من الشجره الخضرا ورمانها

[سموالمجد]

ماحصل قصور

استلم


احدن طلع للقمر واحدن قعد بالثرى=والنار ماضرها ياذيب دخانها
الرابح اللي يناجي ربه وكبرى=ترتاح نفسه ويبعد عنه شيطانها

[البلجيك]

اللي درا يدري ان البعض ماقد درا=يرسم خطوط المعاني فوق سيسانها

لاثار عج الزمان وجوه الاغبرا = حنا حزامك على الدنيا و حنشانها

[البلجيك]

لا يسعني الا ان اشكرك يا سمو المجد

وصح لسانك على ما قدمت


ولا اقول الا فالك المليون :)


الله لا يهينك يا سنايدي

[ابو فهد]

بيض الله وجيهكم وسلمتم ولاندمت على هذا الابداع

احترامي وتقديري

[الــســفــري]

صح الله الالسان