المجال مفتوح والدعوى طرب و وناسه

[سموالمجد]

السلام عليكم ورحمة الله وبركاته

المجال مفتوح والدعوى انبساط وتسلي



سلام تسليمة وفاء من هاجسٍ يوم اللقاء=ماضاع في صعب الدروب اللي يضيعها الدليل

ياصحابنا اهل المنتدى حنا حبايب واصدقاء=واللي بينكر هرجتي يبرك وللحمله يشيل

[راعي المجاهيم]

ارررحب يا سمو المجد

واستلم لا هنت:


يامرحباً بك يالمسلم بالنيابه والبقاء = ترحيبةٍ تملى صدور الناس في اليوم الجميل
وحنا معك في المنتدى نمشي على وضح النقاء = والسالفه يا صاحبي تبغا لها بالٍ وسيع

[أبو حمود]

سمو المجد


راعي المجاهيم


صحت السنتكم وقلوبكم


متابع

[راعي المجاهيم]

تسلم يا ابوحمود

[قلب الاسد]

السلام عليكم ورحمة الله وبركاته
المجال مفتوح والدعوى انبساط وتسلي

سلام تسليمة وفاء من هاجسٍ يوم اللقاء=ماضاع في صعب الدروب اللي يضيعها الدليل
ياصحابنا اهل المنتدى حنا حبايب واصدقاء=واللي بينكر هرجتي يبرك وللحمله يشيل

وعلــيكم الســلام ورحمــة الله وبــركاته
يالله حيــه في محـــله

صح لســانك ومتـــابعين لكم عسى الله يقــويكم

[قلب الاسد]

ارررحب يا سمو المجد
واستلم لا هنت:

يامرحباً بك يالمسلم بالنيابه والبقاء = ترحيبةٍ تملى صدور الناس في اليوم الجميل
وحنا معك في المنتدى نمشي على وضح النقاء = والسالفه يا صاحبي تبغا لها بالٍ وسيع

صــح لســانك يالــقرم

لكن الــقافيه ليــش غيــرتها

[مخاوي الذيب]

:clap: :clap: :clap:

:clap: :clap:

:clap:


الله الله على الابداع

:clap:

[راعي المجاهيم]

ارررحب يا سمو المجد

واستلم لا هنت: بعد التعديل




يامرحبـاً بـك يالمسلـم بالنيابـه والبـقـاء = ترحيبةٍ تملى صدور الناس في اليوم الجميـل
وحنا معك في المنتدى نمشي على وضح النقاء = والسالفه يا صاحبي تبغـا لهـا بالٍ طويل


شكرا يا قلب الاسد على التنبيه

[ابو فهد]

صح السنتكم

رائعين

متابعين واصلوا لاعدمناكم

[راعي السمرا]

صح الله السنتكم

تابعوا فانا لكم متابع

[سموالمجد]

البقى ولاهنت

وشاكر كل من مر وهذا شرف لي

استلم يالذيب


إبك البقاء ياللي ترحب والحضيض اللي لقاء=رجال لاجات المواقف لايصد ولايميل

الله يبارك فيك ويبارك بمن خض السقاء=غطاء على الزبده لبنها والطعم جانا زليل

[راعي المجاهيم]

اررحب يا سموالمجد

واستلم لاهنت:


الله يوفق كل رجالٍ تنومس وارتقاء = على سنام المجد راسي ما يناظر للذليل
والله يجنبنا انا وياك في الدنيا الشقاء = من طاح حظه يا ولد فيها غدا ماله دليل

[البلجيك]

يا سلام يا سلام


في صفك يا سمو المجد ولا يهون راعي المجهم

[سيف علوى]

الــــــــــله الـــــــــــــــــــله

ياسلام عليكم

صح الله السنتكم جميع
وللأمانه كلكم مبدعين مبدعين

[صافي النيه]

الله الله اسلموا اسلموا

وانا في صف سمو المجد

تهيبوا لردي يالشبابكجيه

اصبرولي يمكن اطول

ولا يهون راعي المجاهيم

[سموالمجد]

البقاء يالذيب ولاهنت اوقاتنا مختلفه احد يجي اول النهار واحد يجي اخره

لكن مثل ماقلت الدعوى طرب

وشاكر كل من مر وشارك وربي شرف مروركم العطر


استلم ياذيب


ماكل رجالٍ هقاء يفلح ليا منه هقاء=يتعب من الدرب الوعر ويبين لاطال الطويل

الله يسمع منك ويدلك على نهج التقاء=ومن طاح حظه جعل تبكيه العجوز ام الشليل

[صافي النيه]

استلم يا سمو المجد لا عدمناك


جيتك وانا في عقلي أفكارٍ تِجَوّل فالسماء=من كثر ما أفكر بها حسيت في راسي صهيل

يكرم لسانك ياسمو المجد عن هرج النساء=رجّال من طحاطيح الرِجَال ماهو بهبيل

[سموالمجد]

هلابك صافي النيه ولاهنت يالذيب

بس انتي فديتك جيت مطفي انوارك

المحاوره بيني وبين راعي المجاهيم

وردك وافي ولكن فيه شاعر سبق والمثل يقول من سبق لبق

وخيرها بغيرها ولكن انا انتظر شاعر رد وجاي

مشكور ويعطيك العافيع وحاول ثاني مره تنتبه وتقرى
قبل تطبح فالبحر وتغرق يالغالي

وللمعلوميه ترى بشطر بيتك الثاني خلل والسبب ربما حرف سقط سهوآ
الشطر الاخير

تحياتي

[صافي النيه]

البقاء يالذيب ولاهنت اوقاتنا مختلفه احد يجي اول النهار واحد يجي اخره

لكن مثل ماقلت الدعوى طرب

وشاكر كل من مر وشارك وربي شرف مروركم العطر




[/poem]

طال عمرك وش معنى هالكلام اللي قلته فالاقتباس

وعنوان الموضوع هناك ، المثل يقول ( الموضوع من عنوانه )

واعتقد اني رجل ماني ببنت يوم تقول انتي

وقبل لا ارد قلت اني ابي اشاركم




عز الله اني شلت فخاطري

هذا اللي في صدري وقلته

[صافي النيه]

هلابك صافي النيه

وللمعلوميه ترى بشطر بيتك الثاني خلل والسبب ربما حرف سقط سهوآ
الشطر الاخير

تحياتي

ما اشوف فيه خلل

يمكن نطقتها انت غلط

دمت بود واحترام

[ابن شايق]

مبدعين


صح لسان كل ٍ منكم


على هذا الابداع وواصلوا معكم



مجود لقافه بس لأني ما أصبر:

رجّال من طحاطيـح الرِجَـال ماهـو بهبيـل

البيت هذا ماله بحر فاقد الوزن مع احترامي لصافي النية بس الحق حق وانا اخوك




تحياتي وتقديري

[صافي النيه]

على راسي ياابن شايق انت وسمو المجد

وهذا التعديل لعيونكم يالذيابه


جيتك وانا في عقلي أفكارٍ تِجَوّل فالسماء=من كثر ما أفكر بها حسيت في راسي صهيل
يكرم لسانك ياسمو المجد عن هرج النساء=رجّال من طحاطيـح الرِجَـال باعلومه صقيل

[صافي النيه]

ماناسبني الشطر الاخير ومعد يتعدل فاجبرت احطها في رد جديد


جيتك وانا في عقلي أفكارٍ تِجَوّل فالسماء=من كثر ما أفكر بها حسيت في راسي صهيل
يكرم لسانك ياسمو المجد عن هرج النساء=رجّال من طحاطيـح الرِجال بالشعرالجزيل

[سموالمجد]

المعذره ياصافي النيه سقط الحرف سهو وتكرم طال عمرك

انشاءالله انك رجال ومن رجال ولانت بشاك بنفسك

والعتب على الغلط والغلط مرجوع

عالعموم شاكر لك وكل من مر

ولاهنت ياراعي المجاهيم

وصح لسانك وخيرها بغيرها

[شاعر قلطة]

عاشووووووووووووو...

صحت السنتكم ..

ابدااااااع .. في .. ابداااااع..