اقرب شاعر حياه الله

[راعي المجاهيم]

السلام عليكم ورحمة الله وبركاته

حيا الله الشعار والمتابعين

واللي تخف نفسه يجاريني


سلام ردية في منتدى اهل القصيد = في منتدى القلطه اللي دايمٍ له جديد
اقولها رافعٍ راسي واكرر واعيد = واللي خلق ذا البشر كافل لهم رزقهم


يقوم اقرب الشعار عندي وانا وياه = نبي المنتدى يا ناس في زود زواره
وابساير اموره وابمشي على ممشاه = واجيب البيوت اللي كما الضلع والقاره

[قلب الاسد]

صــح لســـانك ملــــيون


الله الله


نتـــظر الشــاعر . . .

[ابو فهد]

الله الله

صح لسانك وعلى شانك ياراعي المجاهيم

[السيف القاطع]

وعليكم السلام ياراع المجاهيم واتشرف بمجاراتك

استلم لاهنت


يامرحبا ياهلا وعداد ماهلّت=يالشاعر اللي هجوسه مابعد ملّت
عسى عيونك تعرف الدرب واندلّت=واللي خلق ذا البشر كافل لهم رزقهم


ليقام اقرب الشعار يجعلك في مخباه=يمسيك في غاره يصبحك في غاره
على شان بعض الناس يرتاح في مركاه=واذا طب في الميدان يصبر على ناره

[راعي المجاهيم]

ارررحب يالسيف القاطع والله يحييييك

واستلم لاهنت :



نبا نتوكل على المولى وناقف له = الوقفه اللي لها معنى مع الصمله
حنا نعرف الخبر ونكون الجمله = واللي خلق ذا البسر كا فل لهم رزقهم


ليقام اقرب الشعار عندي تاه في مسراه = تحزم يا ولد واكرب حزامك واعرف الشاره
نبي نجلس على المركا بعون الله ولا ننساه = عوافي كلها يا صاحبي مهيب محتاره

[السيف القاطع]

السيف قاطع وفي عنقك ضرب وانثنا=من بعد ماجيت لك يحرم عليك الهنا
ماهو بحظك لو اشوفك تعوّد هنا=واللي خلق ذا البشر كافل لهم رزقهم


عوافي لكن الشاعر اليوم ضاع حكاه=من الخوف ضيّع في اللحن واخلف افكاره
وانا والله ان احاصره واحتزم واحداه=واوضح لما جا الصدق وشلون مقداره

[راعي المجاهيم]

ارررحب يالسيف القاطع الله يكفينا شرك

واستلم لاهنت:


السيف قاطع ولكن قول لي وش بلاه = يوم انثلم حده الماخوذ قل ويش جاه
مهوب عذرٍ يلا منه وقع في الفلاه = واللي خلق ذا البشر كا فل لهم رزقهم


انا ثابت وهرجي ثابتٍ مايقصرن اخطاه = ولا ضاع اللحن من قدم عيني لو ربع شاره
عسا ربي يكافينا شرور الجاهل المعطاه = واذاجاء الصدق ضاع الصدق من عندك بدواره

[أبو حمود]

الله الله



طاروق حامي لاهنتوا وصحت السنتكم


واصلوا متـ اااااا بـع

[السيف القاطع]

الظاهر انك مع الشعار قمت تحلم=ماينثلم سيفي الا سيفك المنثلم
عليك ربي وامانه كان راسك سلم=واللي خلق ذا البشر كافل لهم رزقهم


ترا العاقل اللي ليغلط يعتذر برضاه=وترا الجاهل اللي ليغلط شح باعذاره
ولكن مادام انه كذا نسحق له دواه=وتدريبه الشعار وتدق مسماره

[راعي المجاهيم]

صح بدنك يا ابو حمود

ارررحب يالسيف القاطع

واستلم لاهنت:



ابشر تراها عوافي لا تهددني = لو ان تهديدكم يا خوك يسعدني
انا اتحكم بكم في هرجي ورطني = واللي خلق ذا البشر كا فل لهم رزقهم


ترى العاقل اللي يسمع النصح لامن جاه = وترى الجاهل اللي كب وقره على جاره
يقول المثل واثر المثل باينٍ فحواه = مصيبيح داو عيونك الغمص بالحاره

[راعي السمرا]

صح السنت الشعار والله يكثر من امثالكم

[السيف القاطع]

بهددك دام مالك في القوافي رصيد=واقرا عليك الفلق والزلزلة والحديد
حتى تغادر من الدنيا وتصبح فقيد=واللي خلق ذا البشر كافل لهم رزقهم


يرجّع لحونه الاوله بعد ماحسناه=طلع مايعرف اليا مشا يقضب الطاره
ترى الحكم نعدم من زمانه طغى واطغاه=عليكم قبوله بعد ماجاكم اصداره

[راعي المجاهيم]

صح بدنك يا راعي السمرا

ارررحب يالسيف القاطع واستلم لاهنت:



منتب سهل يا عميلي زانت علومك= وكانك قريت الفلق والله ما الومك
الله يخليك لين تحقق حلومك = واللي خلق ذا البشر كافل لهم رزقهم


انا اقول يا سهل الصبي لو نبي خذناه = وانا اقول صيدة مفلس راح في وزاره
يشرع على كيفه ويحكم على مشهاه = عسا الله يلد الحكم ويطفي افكاره

[السيف القاطع]

البقابك ياراع المجاهيم وانا اتشرف باللعب معك ومع شرواك يالقرم

وودي اذكرك يالذيب بالقافيه (افكاره) سرت


ماني سهل وانت خلك حاسبن لي حساب=قدام لااكرر الضربة بسوط العذاب
ولاتصبح الا وراسك صار تحت التراب=واللي خلق ذا البشر كافل لهم رزقهم


تراك الكفيف اللي لقا النور ثم اطفاه=بعد ماطفت عينه عزم يطفي انواره
انا احكم وانفذ والتفت للخطا وامحاه=ومن طال عمره بالعبث نقصر اعماره

[راعي المجاهيم]

ارررحب يالسيف القاطع واسف على الكلمة اللي سرت طافت علينا من العجله

واستلم لاهنت وخل الخاتمه من عندك الله يطول عمرك



قال المثل في الاواني قولةٍ حلوه = اللي فهمها فهمها وانت لي سلوه
واذا جليت الدلال فكثر الجلوه = واللي خلق ذا البشر كافل لهم رزقهم


تنفذ وتحكم يا عميلي على عمياه = ولا معك علمٍ يشعق الدرب لك تاره
ترى ما كتب لك يا ابن ادم يجيك اقضاه = ولوك تحذر منه واتابع اخباره

ما قصرت وانا اللي لي الشرف باللعب معك والاستفاده منك الله يطول عمرك

[السيف القاطع]

انصحك لا صليت صل بجماعه=وليا نهيتك قول سمعن وطاعه
الذل في بعض المواقف شجاعه=واللي خلق ذا البشر كافل لهم رزقهم



ياربي بلدنا كل مافاض كمّل ماه=عسى النوّ فوق الدار وتهمل امطاره

انا في رجا ربي وانا في سجل احماه=هذي قدرة القادر وانا قابل أقداره

[السيف القاطع]

صح لسسسسسسسانك ياراع المجاهيم ولاهنت


وبيض الله وجههههههههههههههههههههههك


تشرفت باللعب معك والاستفادة من شرواك يالذيب



وارجوك المعذره اذا حصل قصور مني ترا الدعوى ملعبه يالغالي وهذا حالها


لك الشكر والتقدير وكل من تابع.........تحياتي للجميع