المساعد الشخصي الرقمي

مشاهدة النسخة كاملة : يـــــــــا فــهــــــــــــــــــــد


وايلي
05-19-2006, 03:53 AM
أتمنــــــى أن تنـــــال إعجابـــــــــــــــكم

يافهـــد قلبي ليا جيـــت استـريــح x طقـه الهاجـوس طقـك للعصــــاه

من ورى عوج النحايف له فحيح x فـــوح بّـرادي نساه اللـي مـــلاه

والله اني لاوقفت امشـي واطيـــح x طـيـحة المصـروع لاخمــه بـــلاه

كل ماذعذع شمال وهــب ريـــــح x أذكــراللي تـل قلبــي من حشـــاه

من تولع في هوا الظبـــي المليـح x لا مشــى قـــدام مـايـرجـــع وراه

حيث طــّراده عمــى ماهـو نصيــح x مايطيع اهل النصيحه من عنــاه

لوجبـال طـويـق زاحـت ما يزيــــح x كود والي العرش يكتب له نجـاه

واللـه اني من هـوا خلــي جـريــح x جــرح مايبـــرى ولانلـــقـى دواه

أثـر حــب البيض مفعولـه صحيـح x لا وقـع بالقلـب يـاصــل منتهـــاه

خبـــروّها بلغـوهـا انـي طـــريـــــح x يـا لطيف الـروح ماهاذي سـواه

دام قلب صويحبي ماهـو صريـــح x ليـــت قبل يبيـع قلبي مـا اشتـراه

وســــــــــــــلا متــــــــــــــــــــــــــكـــــــــم

بعيد المشاويح
05-19-2006, 03:58 AM
الله الله
يعطيك العافيه س منهو شاعرها لو بيت الشاعر الله لايهينك

وايلي
05-19-2006, 04:36 AM
اللـــه يعــافيـــك ويصبحك بالخير يابعيد المشاويح

ج شـــــــــــاعرها وايــــــــــــــــــلي

الله لا يهينك ممكن توضح لّي عِبارتك في قولك( لو بيت الشاعر الله لايهينك)

الجش
06-08-2006, 11:02 AM
يعطيك العافيه

alshakicom1
08-03-2006, 12:31 AM
يسلموااااااااااااااااااااااااااااااااااااااااااا

ولدحمران النواظر
08-04-2006, 05:31 PM
مشكور يالوايلي على القصيده

ولـد الجبلان
08-19-2006, 07:02 PM
مشكووو وماتقصر صح لسانك يالغلا ..!
ولاهنت كثر من هالقصايد ..!