أأبـن سـحـيـمـان
08-15-2007, 09:14 PM
بسم الله الرحمن الرحيم
السلام عليكم ورحمة الله وبركاته
موضوعي عن الشاعر دعسان بن حطاب الدويش
هو دعسان بن حطاب بن دغيم بن وطبان الدويش
وملقب بشاعر الدوشان
وهذي بعض القصائد له
يقول مفتخرا بقبيلته :
ياركبا خيلا لهن ارتمازي ................ مافتهن ضبي الخلا لو يفزي
خفوقهم يشدن مثل الغوازي .......... واذيالهن قطم والاذنين رزي
اليا روح من عندنا جو غازي ............ ارفق وبالك يالدليله تقزي
اما تشوفون الطوارف نوازي ............. ولآ سنا ضو المناره ينزي
علوى ليا قالوا على الصلب غازي ...... تلقى لهم سلفان بدوا تحزي
واليا غشى الصمان مثل القزازي ...... كنه يفتش في مثانيه بزي
قالوا لي اعزوا قلت ماني بعازي ....... عن ربعي الدوشان محدا يعزي
اليا زبنهم مجرما مايهزي ............... يمشي بقمر نورها مبر هزي
وان صاح صياحا بروس النوازي ......... تجيه دقلات السبايا تكزي
صفرا عليها طايرين القنازي ............ وحمرا عليها كل طيار كزي
حنا هل الشيخه ومامن مهازي ....... معنا شويخات القبايل تلزي
وربعي على الشطات شروا خزازي ... عاقل وثاقل دايما مقلحزي
يفرح بهم شروا خديش البرازي ........ راعي قطيع للحباري يجزي
,,,,,,,,,,,,,,
بقول عندما كان بحائل وشاف البرق :
البرق لاح وتو يحمود شفناه ........... جعله على اللي نشتهي من وطنا
جعله على الصمان محمل رفاياه ......... بين السبوق وبين حسنا يرنا
ويزي لنا طويق لين تمشي شفاياه ...... واليا تحدر به على ضلع بنا
وجعله على مارق ليا نثر ماه .............. حيثه مرب جدودنا دار اهلنا
ويزي لنا العرق الحمر ثم ليا ازاه ........... يملا الغبايا ثم يسيل لبنا
وجونا العسوس وقالوا الصلب جيناه ....... وابوي ياسيلا لقيناه حنا
والطرش قاد وقيض الضين بتلاه ............ والبيض طون الذرى واجعلنا
شالن على عجلان غربي حناياه .......... شالن عليه وفوقهم زوعنا
ويازين عند العصر ياحمود زيناه .......... مع قاعه المشلوف يمشي ضعنا
في ضف مرذ المسمنه لاعدمناه ........... هزاع شيال المحامل جملنا
كنا فابان اليا لجينا ورى اقصاه ............... نقطعت كل المطاليب عنا
وان قيل من يرعى الخطير وقيل ويلاه ....... اخبر ترى ذولاك ياحمود حنا
في ماقعا من نبتته ماحدا جاه ............ بين الشبوق وبين مشعل نزلنا
,,,,,,,,,,,,,,,
رده على الشاعر راكان بن حثلين شيخ العجمان والذي ارسل قصيدته لشيخ مطير سلطان بن الحميدي الدويش :
يقول :
ياراكبا من عندنا فوق ضبيان ............. مفتل الذرعان حرا شناحي
كنه يباري له مع الجو شيطان ........... ماينمسك لولا الرسن باللواحي
اسلم وسلم لي على الشيخ راكان .... امبدل الصلب الحمر بالالاحي
ثم انشده وش صار علمه وش كان .... هو ليه عن دار نزل فيه راحي
يامير جيتو في ضعاين وسلفان ......... وجبت الاماره معك يابو فلاحي
وحنا فريقين على بيت سلطان ........ لا خذت مال ولاسهجت المراحي
والصلب لايكلك مثل ابن درجان ......... ويبقى فلاح وحيد ماله وشاحي
ولا بد من نمرا على وقت الاذان ........ ممليه باهل الغلب والرماحي
لاجالها مع خاطي القاع دندان ......... ثم اختلط عج الرمك والصياحي
مع دربها يلقى العشاء الذيب سرحان ... وجا لضباع العرج سرح ورواحي
عساك تسلم ياسلايل كحيلان .......... وجعلك تناجا يوم كثر الطياحي
ماتستوي للموت ياطير حوران ........... مير ان بعض القول ماله صحاحي
تشره على دارن ولاها ابن وطبان ...... بخصر النمش ومذقلات الرماحي
محدا عطاناها عطيه وصفطان ............ الا بغاراتا هجاد وصباحي
عنها نحوا بالسيف غازي وطمعان ....... لين ابعدوا عنها وساع النواحي
عندك خبر يامير ماني بغلطان ............ وتى كلام الظلم سما ذحاحي
وسلامتكم
السلام عليكم ورحمة الله وبركاته
موضوعي عن الشاعر دعسان بن حطاب الدويش
هو دعسان بن حطاب بن دغيم بن وطبان الدويش
وملقب بشاعر الدوشان
وهذي بعض القصائد له
يقول مفتخرا بقبيلته :
ياركبا خيلا لهن ارتمازي ................ مافتهن ضبي الخلا لو يفزي
خفوقهم يشدن مثل الغوازي .......... واذيالهن قطم والاذنين رزي
اليا روح من عندنا جو غازي ............ ارفق وبالك يالدليله تقزي
اما تشوفون الطوارف نوازي ............. ولآ سنا ضو المناره ينزي
علوى ليا قالوا على الصلب غازي ...... تلقى لهم سلفان بدوا تحزي
واليا غشى الصمان مثل القزازي ...... كنه يفتش في مثانيه بزي
قالوا لي اعزوا قلت ماني بعازي ....... عن ربعي الدوشان محدا يعزي
اليا زبنهم مجرما مايهزي ............... يمشي بقمر نورها مبر هزي
وان صاح صياحا بروس النوازي ......... تجيه دقلات السبايا تكزي
صفرا عليها طايرين القنازي ............ وحمرا عليها كل طيار كزي
حنا هل الشيخه ومامن مهازي ....... معنا شويخات القبايل تلزي
وربعي على الشطات شروا خزازي ... عاقل وثاقل دايما مقلحزي
يفرح بهم شروا خديش البرازي ........ راعي قطيع للحباري يجزي
,,,,,,,,,,,,,,
بقول عندما كان بحائل وشاف البرق :
البرق لاح وتو يحمود شفناه ........... جعله على اللي نشتهي من وطنا
جعله على الصمان محمل رفاياه ......... بين السبوق وبين حسنا يرنا
ويزي لنا طويق لين تمشي شفاياه ...... واليا تحدر به على ضلع بنا
وجعله على مارق ليا نثر ماه .............. حيثه مرب جدودنا دار اهلنا
ويزي لنا العرق الحمر ثم ليا ازاه ........... يملا الغبايا ثم يسيل لبنا
وجونا العسوس وقالوا الصلب جيناه ....... وابوي ياسيلا لقيناه حنا
والطرش قاد وقيض الضين بتلاه ............ والبيض طون الذرى واجعلنا
شالن على عجلان غربي حناياه .......... شالن عليه وفوقهم زوعنا
ويازين عند العصر ياحمود زيناه .......... مع قاعه المشلوف يمشي ضعنا
في ضف مرذ المسمنه لاعدمناه ........... هزاع شيال المحامل جملنا
كنا فابان اليا لجينا ورى اقصاه ............... نقطعت كل المطاليب عنا
وان قيل من يرعى الخطير وقيل ويلاه ....... اخبر ترى ذولاك ياحمود حنا
في ماقعا من نبتته ماحدا جاه ............ بين الشبوق وبين مشعل نزلنا
,,,,,,,,,,,,,,,
رده على الشاعر راكان بن حثلين شيخ العجمان والذي ارسل قصيدته لشيخ مطير سلطان بن الحميدي الدويش :
يقول :
ياراكبا من عندنا فوق ضبيان ............. مفتل الذرعان حرا شناحي
كنه يباري له مع الجو شيطان ........... ماينمسك لولا الرسن باللواحي
اسلم وسلم لي على الشيخ راكان .... امبدل الصلب الحمر بالالاحي
ثم انشده وش صار علمه وش كان .... هو ليه عن دار نزل فيه راحي
يامير جيتو في ضعاين وسلفان ......... وجبت الاماره معك يابو فلاحي
وحنا فريقين على بيت سلطان ........ لا خذت مال ولاسهجت المراحي
والصلب لايكلك مثل ابن درجان ......... ويبقى فلاح وحيد ماله وشاحي
ولا بد من نمرا على وقت الاذان ........ ممليه باهل الغلب والرماحي
لاجالها مع خاطي القاع دندان ......... ثم اختلط عج الرمك والصياحي
مع دربها يلقى العشاء الذيب سرحان ... وجا لضباع العرج سرح ورواحي
عساك تسلم ياسلايل كحيلان .......... وجعلك تناجا يوم كثر الطياحي
ماتستوي للموت ياطير حوران ........... مير ان بعض القول ماله صحاحي
تشره على دارن ولاها ابن وطبان ...... بخصر النمش ومذقلات الرماحي
محدا عطاناها عطيه وصفطان ............ الا بغاراتا هجاد وصباحي
عنها نحوا بالسيف غازي وطمعان ....... لين ابعدوا عنها وساع النواحي
عندك خبر يامير ماني بغلطان ............ وتى كلام الظلم سما ذحاحي
وسلامتكم