ما كل من ذاق الهوى يدخل النار

[طارق الهجله]

أحلـى مــن المـرقـاب هـبـة نسيـمـه *** حـي الهبـوب اللـي تجينـا بألاخـبـار

البارحـه تطـري علـى البـال ريـمـه *** واسـج مـع ريمـه بسجـات الافـكـار

الـلـي لـهـا بالـعـيـن مـلـيـون قـيـمـه *** وايضا" لهـا بالقلـب حشمـه ومقـدار

أحـبــهــا لـــــو الـلـيـالــي يـتـيـمــه *** لـو السنيـن عـجـاف والـوقـت دوار

احبـهـا رغــم الـضــروف الالـيـمـه *** احبـهـا لــو دونـهـا مـــرّ الأمـــرار

أحـبـهـا مـــا ف المـحـبـه جـريـمــه *** ما كل من ذاق الهـوى يدخـل النـار

يـا نـاس خلـو كــل ذيــب وخريـمـه *** خلوه في درب الهوى وين مـا سـار

خـلـو نـديـم الـشـوق يـلـقـى نـديـمـه *** قلبـي لحـم يـا نـاس مـا هــو بفـخـار

أنـتـه لـيـا لـمــت الـمـولـع تظـيـمـه *** وتزيـد فـي قنطـار الأحمـال قنطـار

واجب تخفف من حمول(ن) عظيمه *** وتصبـره لــو كــان مـاهـو بصـبـار

ما كنت اضن الوقت يخسر خصيمه *** وما كنت اضن الشوق قاسي وجبار

حتى جعل ف العيـن مثـل الحريمـه *** ودق لــي بالقـلـب حلـقـه ومـسـمـار

لـكـن لــو كــان العـواقـب وخـيـمـه *** لـو كـان يرمينـا مـن يمـيـن ليـسـار

لـو كـان ماهـي سكـة(ن) مستقيـمـه *** ولو كان دمع العيـن مـدرار مـدرار

لا تعـذلـون الـقـلـب يـالــع هشـيـمـه *** خلو هشيم القلب في رجـو الأمطـار


هذة القصيده من قصائد الشاعر صالح الازوري

[بعيدالمدى]

حتى جعل ف العيـن مثـل الحريمـه *** ودق لــي بالقـلـب حلـقـه ومـسـمـار


صخ لسان قايلها ومشكور على النقل الرائع اخوى طارق الهجله

[ابو فهد]

بيض الله وجهك

وصح الله لسااان الشااااااعر ولاهنت على النقل وحسن الاختيار

تحياتي لك

[ولد العقص]

صح لسان الشاعر

وسلمت يمناك على النقل الرائع

مشكوووور أخوي طارق

[طارق الهجله]

اشكر كل من سطر مرروره على القصيده

[فيصل العضيله]

صح لسان الشاعر

ةلاهنت اخووي

طارق مشكووور على القصيد ((ما كل من ذاق الهوى يدخل النار ))

لاعدمناكـ

[طارق الهجله]

مشكوووور اخوووووي

فيصل العضيله على مرورك الجميل

[عمر السعدي]

حسن الاختيار اخي طارق

[العابر]

صخ لسان قايلها ومشكور على النقل الرائع اخوى طارق الهجله