تكفون يارجال المساعده

[الأحمري]

بسم الله الرحمن الرحيم السلام

عليكم ورحمة الله وبركاته

هل هذي القصيده موزونه ولا لا

سر يا قلم ياعزوتي وراس مالي
سر يا هجوسي فوق بيض المناشير

احتاج لك ذالليل مالك مجالي
ذالليل ما حيت منك المعاذير

تكفى دخيلك خل دمعك همالي
ما غير دمعك يا قلم فيه تصبير

اشرح ضروف الليل والحظ تالي
عنوانها من يملك الشر والخير

في دنيتآ ذلت قروم الرجالي
واسقت ذليل قوم صفر المباهير

يا سود الله وجه بعض الليالي
اللي لها في صفحة الغدر تسطير

شدت على زومان شد العقالي
واللي معقل ما قوت رجله تسير

موج البحر طامي وغدره مثالي
لكن غدر الليل فوق المعايير

كم ليلة ذلت كريم السبالي
وارقت عيال البوم فوق المناعير

غدر الليالي فوق صورة خيالي
لا والله الا فوق جزل التصاوير

ما انكر وفاء بعض الليالي الجزالي
اللي لها في صفحه الجود تعبير

ياكم سهرت الليل لأجل المعالي
كم ليلة ساقت علي التباشير

كم ليلة طابت على طيب فالي
جتني بذودآ من زيان المغاتير

ماهي سوى كل الليالي دوالي
ولا الليالي كلها في التناوير

ان جاد وقتي وارتقى الحظ عالي
شفت الليالي منوارات ومسافير

وان كان نور الحظ كاسف وجالي
جات الليالي شايكات وتعازير

ما اقول غير الا عسى الحظ فالي
والله يزحزح معضلات العواثير

خلاص يكفي يا قلم لا تبالي
خل الخفاء مدفون في غبة البير

[شاعر بني شهر]

اخي الأحمري
قصيده جميله جدا
ولاتأتي الا من شاعر كبير
صح السااانك وبيض الله وجهك

[الأحمري]

لاهنت لاكم القصيده ماهي لي

بس حبيت اسال هل هي موزونه

[شاعر بني شهر]

القصيده موزونه
وصحت السان قائلها
وشكرا لك على النقل المميز

[الأحمري]

كيف عرفة انها موزونه

[شاعر بني شهر]

إذا تقصد كيف اعرف ان القصيده موزونه او غير موزنه
فأرى ان افضل طريقه تلحين القصيده بلحن مناسب لها
واذا ظبط معاك اللحن على جميع الابيات فالقصيده موزونه

[فاهم المعنى]

ارى ان الواو فالشطر الاول من البيت الاول حرف زائد

اخل بوزن القصيدة (وجهة نظر)

لكن القصيدة بشكل عام جزلة ولا يلحقها كلام

صح السان قايلها وسلم ناقلها