قلب الاسد
12-28-2006, 08:06 PM
احــد الـشـيـبان طـلـب مـن والــدي ان يـعـمل له قـصـيدهـ فـي ابـنــه الـذي انـقـطـع
عن والـدهـ لـفـترهـ من الـزمـن . . .
الـقـصـيدهـ لـها مـا يـقـارب خـمســة عــشر عــاماً
شايب ومجبور على الولد ينخاه=ليا شاف في بعض المعاني قصوره
ينخا الله اللي خالقه ثم ينخاه=ومقدمين اللي على الارض نوره
ولا خير في جيل نضرهم تعداه=ان كان ما جاء في المسابق اطيوره
والطير لابده من الوكر مجناه=الساس الاول منجبه من اوكوره
طير محاذيف المسابيق يمناه=وصقر ليا منه صقر مع صقوره
هذاك نبديبه ونفخر بمبداه =ليا همه الوالد على كل اموره
لامه وابوه اللي مشو في غذاياه=لين استقل العمر واكمل شعوره
اهدوا عليه وناظرين لهداياه=يبون تالي العمر لذة اسروره
اليا قصر شوفه وضعفت حظاياه=والحيل فاتر والحنا في ظهوره
والموت قافينا وحنا ضحاياه=ولابد دوراته علينا تدوره
والله من دهـر سـهاج مطاياه=وجيل ورا جيل تقافة اعصوره
نمشي السفر واللي على الدرب نلقاه=ولابد ما زاروه اهلنا نزوره
وين القرون اللي بذرهم لحقناه=مع كل تالي الليل تصقع انجوره
وين الابطال اهل السيوف المحلاه=تاكل عشاها من سباع النموره
وين الكرام اهل البيوت المبناه=للضيف ماسد العشا عن فطوره
الدرب واحد ماش غيره مجاجاه=اليوم راحوا ساكنين القبوره
اقفوا كما وردٍ تحول على ماه=عسى ملافيهم جنانٍ وحوره
يقولها اللي جابها من خفاياه=اكفاه مر إليالها مع شهوره
يالله تامرنا على الصبر يالله=لو جيت ابصبر ماش نفسٍ صبوره
والله من يوم عظيم وعدناه=ميعادنا يوم البعث والنشوره
ميعاد كل الخلق يوم الملاقاه=يوم اللقا اللي فيه هول ومروعه
وكلٍ على ما قدمتله مناياه=محصور عمله بين عدله وزوره
اما سعيد الحظ ولا مشقاه=ثنتين قدامه ضلامه ونوره
والمسعد اللي تاخذ الصحف يمناه=يقرا كتابه والخلايق انضوره
اليا عطاه الله من الرزق ماشاه=رحمه من الله والذنوب مغفوره
واللي شماله ضيع الدرب واخطاه=يقلاه هم وفي كبوده حروره
هذا الصحيح اللي مشى الدرب نقفاه=وما فات راح وما تبقى نبوره
الــشــاعــر / ســعــد بـشـيــر الـيــابـسـي
عن والـدهـ لـفـترهـ من الـزمـن . . .
الـقـصـيدهـ لـها مـا يـقـارب خـمســة عــشر عــاماً
شايب ومجبور على الولد ينخاه=ليا شاف في بعض المعاني قصوره
ينخا الله اللي خالقه ثم ينخاه=ومقدمين اللي على الارض نوره
ولا خير في جيل نضرهم تعداه=ان كان ما جاء في المسابق اطيوره
والطير لابده من الوكر مجناه=الساس الاول منجبه من اوكوره
طير محاذيف المسابيق يمناه=وصقر ليا منه صقر مع صقوره
هذاك نبديبه ونفخر بمبداه =ليا همه الوالد على كل اموره
لامه وابوه اللي مشو في غذاياه=لين استقل العمر واكمل شعوره
اهدوا عليه وناظرين لهداياه=يبون تالي العمر لذة اسروره
اليا قصر شوفه وضعفت حظاياه=والحيل فاتر والحنا في ظهوره
والموت قافينا وحنا ضحاياه=ولابد دوراته علينا تدوره
والله من دهـر سـهاج مطاياه=وجيل ورا جيل تقافة اعصوره
نمشي السفر واللي على الدرب نلقاه=ولابد ما زاروه اهلنا نزوره
وين القرون اللي بذرهم لحقناه=مع كل تالي الليل تصقع انجوره
وين الابطال اهل السيوف المحلاه=تاكل عشاها من سباع النموره
وين الكرام اهل البيوت المبناه=للضيف ماسد العشا عن فطوره
الدرب واحد ماش غيره مجاجاه=اليوم راحوا ساكنين القبوره
اقفوا كما وردٍ تحول على ماه=عسى ملافيهم جنانٍ وحوره
يقولها اللي جابها من خفاياه=اكفاه مر إليالها مع شهوره
يالله تامرنا على الصبر يالله=لو جيت ابصبر ماش نفسٍ صبوره
والله من يوم عظيم وعدناه=ميعادنا يوم البعث والنشوره
ميعاد كل الخلق يوم الملاقاه=يوم اللقا اللي فيه هول ومروعه
وكلٍ على ما قدمتله مناياه=محصور عمله بين عدله وزوره
اما سعيد الحظ ولا مشقاه=ثنتين قدامه ضلامه ونوره
والمسعد اللي تاخذ الصحف يمناه=يقرا كتابه والخلايق انضوره
اليا عطاه الله من الرزق ماشاه=رحمه من الله والذنوب مغفوره
واللي شماله ضيع الدرب واخطاه=يقلاه هم وفي كبوده حروره
هذا الصحيح اللي مشى الدرب نقفاه=وما فات راح وما تبقى نبوره
الــشــاعــر / ســعــد بـشـيــر الـيــابـسـي