صلاة الفجر .. منصور الحربي

[شيمة]

منصور الحربي .. يصف لنا مشهد عظيم بأبيات رائعة لا يكتبها إلا شاعر دقيق في وصف المشاعر ..


يوم الحذيفي يرتل في صلاة الفجر = آيات من سورة التوبة ويبكي بها
صوته يزلزلك لو قلبك حديد وصخر = وتحس روحك دفا الإيمان يجري بها
في لحظة تعتبر فيصل ولحظة طهر = فيها الحقيقة تبين وينجلي غيبها
إسجد لربك ولا منه هروب ومفر = مافيه نملة تدب إلا ويدري بها
ترى نهايتك خام أبيض وموت وقبر = ما ينفعك بهرج الدنيا وأصاحيبها
مقرك الآخرة دنياك ماهي مقر = النفس ماتدري فـ بكرة وش يصيبها ؟
سجدت سجدة وكن الأرض ريحة زهر = الله يا محقر الدنيا وأساليبها
فيها تذكرت موقفنا بيوم الحشر = نار تلظى وتخطفنا كلاليبها
في وقتها بس حسيت بدموع القهر = ياطيبها ساعة الرحمن يا طيبها
قمت أتراجف وكن الدمع مثل المطر = والقشعريرة غشت جسمي مخاليبها
حسيت ثقل الذنوب الي تقص الظهر = كيف جرفتني ورى الدنيا وألاعيبها
كيف خدعتني ونستني طريق السفر = ضاعت سنيني هدر من غير لا أدري بها
مرت سنيني وعدتني بلمحة بصر = مابين زخرف حياة وبين أكاذيبها
كنت أحسب إني ذكي وأن الليالي قمر = وإني وأنا أغمض عيوني أبسري بها
أثر الأماني سراب ومن حسبها مطر = بيموت عطشان في رجوى مشاريبها
خلك مع أهل الفلاح أهل الدروب الخضر = وأبعد عن الي نواياهم عوى ذيبها
سفينة الدين ما تغرق وباقي شبر = معمور بالذكر والشبان من شيبها

وسلامتكم ..

[ابو فهد]

مشكورة ياشيمه على نقل القصيده

وصح الله لسان منصور الحربي على هذه الرائعه

[قلب الاسد]

ترى نهايتك خام أبيض وموت وقبر . . . !

صــح لســانه

تـسـلم يديــنكـ اختي شيمــه على النقـــل الرائـــع !

[شيمة]

أبو فهد

قلب الأسد

تسلموووون عالمرور .. ومشكورين ..

[الجش]

مشكووووووره على نقل القصيده
وصح لسان الشاعر

[شيمة]

صح بدنك ، العفووووووووو
وحياك الله :)

[احمد الجبلي]

مشكووووووووره شيمه

وصح لسان الحربي

وماقصرتي بيض الله وجهج

[شيمة]

العفوووو ، ووجهك أبيض أخوي ..
تسلم عالمرور