قلب الاسد
11-15-2006, 04:15 PM
ياحميد ما حنا عن الولف ناسين=كود الظما ينسا بليا شرابي
قـصـيـدهـ لـلـوالــد وهـي تــعــبــر عــن نـفـسـهـا . . . مـن قـبـل سـبـــع وثـلاثـــون سـنــــه
ياحميد شب النار للمستفيدين=والنجر جيبه والدلال العذابي
واحمس لهم بنٍ من السوق شارين=وبالهيل هيلها بليا حسابي
هي الهوا للي على الكيف ظارين=مهيلٍ فنجالها للشرابي
تونـٌس اللي من عناهم شقـيـين=تبري الظرم عن الكبود اللهابي
ويالله ياقابل نخايا الملـبـيـن=اللي نصوا بـيـتـك يـبـون الثوابي
ياقابلٍ دين السجود المصلين=خـشـٌاع لله يدرسون الكتابي
عوض الشواوي اللي على الوقت جافين=ياعايض الوادي المحل من سحابي
برقه من المـنـشا يـهـيـض المخيلين=ليا سمك مزنه يشاذ الهضابي
وخيل بهجانه وسيله ودادين=سيله وربانه من المزن ذابي
يجذب علينا اللي ورا نجد ناحين=من دونهم تزمي جبال ومغابي
ورا ثلاث امن القبايل مطيفين=والمزن خابي دونهم بالحجابي
عن دارهم مثل الربوط المساجين=اللي عليهم مركزات الحرابي
ربعي مطير اللي على العسر واللين=ينفسون الكرب عند النشابي
تدهل مجالسهم رجالٍ شجيعين=على الغلا شييبهم والشبابي
وياحميد ما حنا عن الولف ناسين=كـود الضما ينسا بليا شرابي
ما دام انا حيٍ وهم بعد حيين=والا ترا الدنيا مداها الذهابي
نمشي ولاحنا عن الغيب دارين=ما علمن بغيبهن الليالي
ما شين مع دربن له الخلق ماشين=قدامنا اللي يتعبون الركابي
بني هلال اللي فنوا والسلاطين=اللي على الدنيا هواهم رغابي
ومن قبلهم راحت الوف الملايين=اهل الدروع معلقين الجنابي
راحوا وخلوها وهم غير راضين=وكلٍ بعمله ساجلله كتابي
والموت مخلوق له اول وتالين=على النبي قدامنا والصحابي
وصلوا على هادي البشر كامل الدين=على نبين صادق الحق جابي
الــشــاعر / ســعــد بـشــيــر الــيــابــســي
قـصـيـدهـ لـلـوالــد وهـي تــعــبــر عــن نـفـسـهـا . . . مـن قـبـل سـبـــع وثـلاثـــون سـنــــه
ياحميد شب النار للمستفيدين=والنجر جيبه والدلال العذابي
واحمس لهم بنٍ من السوق شارين=وبالهيل هيلها بليا حسابي
هي الهوا للي على الكيف ظارين=مهيلٍ فنجالها للشرابي
تونـٌس اللي من عناهم شقـيـين=تبري الظرم عن الكبود اللهابي
ويالله ياقابل نخايا الملـبـيـن=اللي نصوا بـيـتـك يـبـون الثوابي
ياقابلٍ دين السجود المصلين=خـشـٌاع لله يدرسون الكتابي
عوض الشواوي اللي على الوقت جافين=ياعايض الوادي المحل من سحابي
برقه من المـنـشا يـهـيـض المخيلين=ليا سمك مزنه يشاذ الهضابي
وخيل بهجانه وسيله ودادين=سيله وربانه من المزن ذابي
يجذب علينا اللي ورا نجد ناحين=من دونهم تزمي جبال ومغابي
ورا ثلاث امن القبايل مطيفين=والمزن خابي دونهم بالحجابي
عن دارهم مثل الربوط المساجين=اللي عليهم مركزات الحرابي
ربعي مطير اللي على العسر واللين=ينفسون الكرب عند النشابي
تدهل مجالسهم رجالٍ شجيعين=على الغلا شييبهم والشبابي
وياحميد ما حنا عن الولف ناسين=كـود الضما ينسا بليا شرابي
ما دام انا حيٍ وهم بعد حيين=والا ترا الدنيا مداها الذهابي
نمشي ولاحنا عن الغيب دارين=ما علمن بغيبهن الليالي
ما شين مع دربن له الخلق ماشين=قدامنا اللي يتعبون الركابي
بني هلال اللي فنوا والسلاطين=اللي على الدنيا هواهم رغابي
ومن قبلهم راحت الوف الملايين=اهل الدروع معلقين الجنابي
راحوا وخلوها وهم غير راضين=وكلٍ بعمله ساجلله كتابي
والموت مخلوق له اول وتالين=على النبي قدامنا والصحابي
وصلوا على هادي البشر كامل الدين=على نبين صادق الحق جابي
الــشــاعر / ســعــد بـشــيــر الــيــابــســي